राशीभविष्य : आज शनिवार २३ डिसेंबर २०२३,कामात अडथळे येऊ शकतात.पैशांशी संबंधित कामात वाद होऊ शकतो. चुकांमुळे त्रास होऊ शकतो.गुप्त शत्रूपासून सावध राहा
मंडे टू मंडे न्यूज वृत्तसेवा। आज शनिवार २३ डिसेंबर २०२३, ज्योतिषशास्त्रात जन्मकुंडलींद्वारे वेगवेगळ्या कालखंडांबद्दल भाकिते केली जातात. दैनंदिन राशिभविष्य रोजच्या घडामोडींचे अंदाज देते, तर साप्ताहिक, मासिक आणि वार्षिक राशिभविष्य अनुक्रमे आठवडा, महिना आणि वर्षाचा अंदाज असतो. दैनिक राशिफल हे ग्रह-नक्षत्राच्या हालचालीवर आधारित एक भविष्यवाणी आहे, ज्यामध्ये सर्व राशींचे (मेष, वृषभ, मिथुन, कर्क, सिंह, कन्या, तूळ, वृश्चिक, धनु, मकर, कुंभ आणि मीन) तपशीलवार वर्णन केले आहे. ही कुंडली काढताना ग्रह-नक्षत्रांसह पंचांगाच्या समीकरणाचे विश्लेषण केले जाते. दैनंदिन राशीभविष्य तुम्हाला नोकरी, व्यवसाय, व्यवहार, कुटुंबआणि मित्रांसोबतचे संबंध, आरोग्य आणि दिवसभरातील शुभ-अशुभ घटनांचे भाकीत देते.
मेष (Aries) :
आजचा दिवस तुमच्यासाठी अनुकूल राहील. सरकारकडून लाभ होण्याची चिन्हं आहेत किंवा प्रयत्नांनंतर तुम्हाला प्रलंबित शासकीय कामांमध्ये यश मिळेल. दुपारी कार्यक्षेत्रातून अचानक चांगली बातमी मिळाल्याने आनंद होईल. पैसे जास्त खर्च होतील; पण वाया जाणार नाहीत. अविवाहितांना विवाहासाठी प्रस्ताव येतील. नवीन संबंध निर्माण होण्याची शक्यता आहे. घरातली वडिलधारी मंडळी प्रेमाने वागतील. अधिकारी किंवा इतर वरिष्ठांकडून तुम्हाला सहज कामं करून घेता येतील.
वृषभ (Taurus) :
आजचा दिवस भाग्यशाली असेल. घरात आणि बाहेर अपेक्षेपेक्षा जास्त आश्वासक वातावरणामुळे सर्व कामं सुरळीतपणे पूर्ण होतील; पण कर्जामुळे थोडी चिंता जाणवेल. काम करणाऱ्या व्यक्तींची कार्यक्षमतेबद्दल प्रशंसा होईल. घाऊक किंवा कमिशनच्या व्यवसायातून अधिक नफा मिळू शकतो. मुबलक आर्थिक लाभामुळे आनंदी राहाल. घरातला महिला वर्ग तुमच्यावर खूश असेल. वैवाहिक जीवनाचा पुरेपूर आनंद घ्याल. प्रवास आणि उत्तम भोजनामुळे आनंदी राहाल.
मिथुन (Gemini) :
आज अपेक्षेपेक्षा जास्त विरुद्ध परिणाम दिसतील. विचारात निराशेला स्थान देऊ नका. तुम्ही जो विचार कराल त्याच्या उलट परिणाम होतील. कामात जास्त व्यग्र राहिल्याने सामाजिक क्षेत्रापासून दुरावा निर्माण होईल. आर्थिक लाभासाठी केलेले प्रयत्न मोठ्या कष्टाने यशस्वी होतील. प्रेमप्रकरणामुळे वाद होऊ शकतो. खर्च अनियंत्रित राहिल्याने आर्थिक संतुलन बिघडेल. शारीरिकदृष्ट्या जास्त मेहनत करण्यास असमर्थ असाल. हितशत्रू नुकसान करू शकतात. त्यामुळे सावध राहा.
कर्क (Cancer) :
आजचा दिवस लाभदायक असेल. प्रतिस्पर्ध्यावर सहज विजय मिळवाल. व्यवसायदेखील पूर्वीपेक्षा चांगला चालेल. बहुतेक योजना यशस्वी होऊ शकतात. आत्मविश्वास वाढेल. व्यवसायात नवीन प्रयोग अधिक नफा मिळवून देऊ शकतात. अडकलेले पैसे मिळण्यात काही अडचण येऊ शकते. परंतु, प्रयत्न केल्यास ते परत मिळण्याची आशा आहे. शुभकार्यात सहभागी व्हाल. सुखाची साधनं वाढवण्याकडे जास्त लक्ष असेल आणि त्यावर खर्चही होईल. घरगुती वातावरण सामान्य राहील.
सिंह (Leo) :
आजचा दिवस संमिश्र असेल. अत्यंत भावनिक झाल्याने लहान गोष्टीसुद्धा मनावर घ्याल. घर किंवा बाहेरचं वातावरण या कारणामुळे दूषित होऊ शकतं. प्रथम आर्थिक नियोजन पूर्ण करण्यात अडथळे येतील, परिस्थिती तुमच्या बाजूने येईल तेव्हा तुम्हाला लाभाची संधी मिळेल. दुपारनंतर बहुतांश बाबतींत इच्छेनुसार काम कराल आणि त्यावर समाधानी राहाल. घरगुती समस्या बाहेर नेण्यापेक्षा घरातच सोडवा. व्यावसायिक कारणांमुळे केलेला प्रवास कमी लाभाचा ठरू शकतो. वडिलोपार्जित कामात यश मिळेल.
कन्या (Virgo) :
सर्व कामं समर्पण भावनेतून करू शकता; पण तरीही त्यात यश मिळण्यात शंका असेल. नियमांची पूर्तता न केल्यामुळे सरकारी कामं अपूर्ण राहतील. दुपारनंतर व्यावसायिक किंवा घरगुती कामासाठी धावपळ करावी लागू शकते. तब्येतीत चढ-उतारांमुळे अडचणी जाणवू शकतात. गुप्त शत्रूपासून सावध राहा. लोकांशी गोड वागल्याने कामं होतील. बाहेरच्या व्यक्तींविषयी औदार्य दाखवाल. घरात चुकीच्या वागणुकीमुळे त्रास होण्याची शक्यता आहे. आर्थिक व्यवहार विचारपूर्वक करा. संतुलित आहार घ्या.
तूळ (Libra) :
आज थोडंसं सावध राहा. काही चुकांमुळे त्रास होऊ शकतो. नुकसानीमुळे कामापासून दूर राहावं लागेल. प्रलंबित सरकारी कामांमुळे वेळ आणि पैसा वाया जाऊ शकतो. स्त्रीमुळे कुटुंबात किंवा कामाच्या ठिकाणी अशांतता जाणवेल. धर्माप्रति ओढा असूनही उपासनेवर लक्ष केंद्रित करू शकणार नाही. सायंकाळच्या सुमारास थोडा आराम मिळेल; पण थकवाही जाणवेल.
वृश्चिक (Scorpio) : तुमच्यासाठी आजचा दिवस जास्त शुभ असेल. सामाजिक आणि व्यावसायिक क्षेत्रात प्रतिभा दाखवण्याची संधी मिळू शकेल; मात्र त्यातून आर्थिक लाभाची अपेक्षा करू नका. संबंध अधिक दृढ होतील. पैसा मिळवण्यासाठी बौद्धिक आणि शारीरिक श्रम घ्यावे लागतील. धार्मिक कार्यात सहभागी व्हाल. काम आणि व्यवसायाच्या गतीमुळे दुपारी व्यग्र राहाल. शारीरिक थकवा जाणवेल. कुटुंबातल्या सदस्यांच्या इच्छा पूर्ण करण्यासाठी खर्च कराल. घरगुती वातावरण सामान्य राहील.
धनू (Sagittarius) : दिवसाच्या पूर्वार्धात कोंडीत अडकाल. मनात कोणत्याही कामाबाबत स्पष्टतेचा अभाव असल्याने ते ठप्प होऊ शकतं. हळूहळू स्थिती स्पष्ट होईल. आर्थिक कार्यक्रमाच्या आयोजनासाठी आजचा दिवस शुभ आहे. पैशाच्या अनिश्चित प्रवाहामुळे वेळोवेळी अडथळे येऊ शकतात; पण त्यावर मात करण्यात यशस्वी व्हाल. कौटुंबिक वातावरण सुरुवातीला कलहाचं असेल. परंतु नंतर परस्परांविषयी चांगल्या भावना निर्माण होतील.
मकर (Capricorn) :
आज तुमचा स्वभाव खेळकर असेल. महत्त्वाच्या कामातही तुम्ही निष्काळजीपणा दाखवाल किंवा इच्छाशक्तीच्या अभावामुळे कामात नुकसान होऊ शकतं. व्यावहारिकदृष्ट्या अधिक सक्रिय व्हाल. मन चंचल असलं, तरी विनोदामुळे वातावरण प्रसन्न करण्याची क्षमता तुमच्यात आहे. आर्थिक दृष्टिकोनातून संध्याकाळची वेळ अधिक शुभ राहील. घरबसल्या आर्थिक लाभ होण्याची शक्यता आहे. कुटुंबातले सदस्य राग व्यक्त करू शकतात. मित्रांसोबत पर्यटनाची संधी मिळेल.
कुंभ (Aquarius) :
दिवसाच्या पहिल्या भागात परिस्थिती प्रतिकूल राहू शकते. पूर्वनियोजित कामात विलंब झाल्यामुळे धावपळ करावी लागेल. पैशांशी संबंधित कामात वाद होऊ शकतो. खोल विचारांमध्ये मग्न राहाल. कामाच्या ठिकाणी सहकाऱ्यांच्या मनमानी वागणुकीचा तुम्हाला राग येईल, तरीही शांतपणे काम करा. अन्यथा भविष्यातल्या लाभापासून वंचित राहाल. दुपारी परिस्थिती सुधारेल. अशांतता पसवणारे त्यांच्या चुका मान्य करून सहकार्य करू शकतात. आर्थिक लाभ मध्यम राहील. कुटुंबातल्या सदस्यांशी विनाकारण वाद होऊ शकतात.
मीन (Pisces) :
दिवसाच्या पहिल्या भागात सर्व कामं सहज पूर्ण होतील. आरोग्य चांगलं राहील. सामाजिक क्षेत्रातून सन्मान मिळू शकतो. पैसे कमावल्याने आर्थिकदृष्ट्‍या अधिक सक्षम व्हाल. महत्त्वाची कामं दुपारपूर्वी पूर्ण करण्याचा प्रयत्न करा. यानंतर सर्व कामात अडथळे येऊ शकतात. जिथे लाभ होण्याची शक्यता जाणवेल, तिथं निराशा होऊ शकते; मात्र त्याचा मानसिक त्रास होणार नाही. कुटुंबातल्या सदस्यांकडून प्रेम आणि पाठिंबा मिळत राहील. घरातल्या वडिलधाऱ्या व्यक्तींची तब्येत बिघडल्यामुळे थोडी अस्वस्थता राहील. मुलांबाबत चांगली बातमी मिळेल.
