बॅरिकेट्स तोडत भरधाव पिकअपची दुकानात धडक : एकाचा मृत्यू, ४ जखमी !
मंडे टू मंडे वृत्तसंकलन।
मंडे टू मंडे न्युज : पूजेच्या दुकानात भरधाव पिकअपने जोरदार धडक दिली. चालकाचा वाहनवरील ताबा सुटल्याने पिकअप बॅरिकेट्स तोडून सरळ दुकानात घुसली. अपघात एवढा तीव्र होता की जोरदार आवाज झाला. या अपघातात एकाचा मृत्यू झाल्याची माहिती समोर आली आहे. ही घटना मुंबई-नाशिक महामार्गावर इगतपुरी येथील घाटनदेवी मंदिरासमोर घडली आहे.
मृतक व्यक्तीचं नाव बबली सिंग असं आहे. ते इगतपुरी येथील तळेगावचा रहिवासी आहेत. बबली या अपघातात गंभीर जखमी झाले होते. रुग्णालयात उपचार सुरु असताना त्यांचा मृत्यू झाला. या अपघातात गरीब दुकानदाराचे खुप नुकसान झाले आहे. या दरम्यान नशीब बलवत्तर म्हणून दुकानदारांची 3 मुले बाहेर खेळत असल्यामुळे बचावली. कालच दसरा झाल्याने आज दर्शनासाठी गर्दी नव्हती. गर्दी असली असती तर मोठा अपघात झाला असता. यात दोन जण गंभीर जखमी तर दोन जण किरकोळ जखमी झाले होते. यापैकी एकाचा उपचारादरम्यान मृत्यू झाल्याची माहिती समोर आली आहे. नागरिकांच्या मदतीने जखमींना तातडीने इगतपुरी येथील ग्रामीण रुग्णालयात उपचारासाठी नेले. तिथे जखमींवर उपचार सुरु होता. पण उपचारादरम्यान बबली सिंग नावाच्या व्यक्तीचा मृत्यू झाला. इतर तीन जखमींवर सध्या उपचार सुरु आहे. या घटनेवर इगतपुरी तालुक्यात हळहळ व्यक्त केली जात आहे.
