राज्याच्या राजकारणात पुन्हा एकदा मोठा राजकीय भूकंप, राजकीय वर्तुळात खळबळ
मुंबई, मंडे टु मंडे न्युज नेटवर्क l पुन्हा एकदा महाराष्ट्राच्या राजकारणात मोठा राजकीय भूकंप येणार असून अजित पवार राष्ट्रवादी गटाचे बडे नेते तथा मंत्री छगन भुजबळ सत्तेतून बाहेर पडणार का अशी चर्चा सुरु झाली आहे. यामुळे राज्याच्या राजकारणात मोठी खळबळ उडाली आहे. पदाधिका-यांनीच तसा सूर मुंबईत झालेल्या बैठकीत बोलून दाखवलाय.
लोकसभा तसेच राज्यसभेला छगन भुजबळ यांना डावलल्यामुळे ओबीसींमध्ये नाराजी दिसून येतेय. तसंच सगेसोयरे अधिसूचनेची अंमलबजावणी होणार असल्यास ओबीसींवर अन्याय होईल असाही सूर बैठकीत दिसून आला. सरकारमध्ये ओबीसींना मिळत असलेल्या सवलतीतही अन्याय होत असल्याची भावना बैठकीत पदाधिकाऱ्यांनी बोलून दाखवली. छगन भुजबळांची राजकीय कोंडी केली जात असल्याची भावना कार्यकर्त्यांमध्ये आहे. त्यामुळे भुजबळांनी निर्णय घेण्याचा आग्रह कार्यकर्त्यांचा आहे.. तेव्हा येत्या काळात छगन भुजबळांचं नाराजी नाट्य घडण्याची शक्यता असल्याची खात्रीशीर माहिती मिळत आहे.
सुनेत्रा पवार, पार्थ पवार यांच्यासोबतच राज्यसभेच्या जागेसाठी राष्ट्रवादी पक्षाचे ज्येष्ठ नेते आणि मंत्री छगन भुजबळ इच्छुक असल्याची चर्चा होती. खरं तर भुजबळांची नाराजी ही आतापासूनची नाही.. तर लोकसभा निवडणुकीपासून भुजबळांनी आपली नाराजी जाहीरपणे बोलून दाखवलीय… नाशिक लोकसभेच्या जागेचा तिढा अखेरपर्यंत रंगला.. भाजप नेतृत्त्वाने आपल्या नावाला मंजुरी दिल्याचा दावा भुजबळांनी केला होता.
मात्र अखेरच्या क्षणी हे तिकीट एकनाथ शिंदेंच्या हेमंत गोडसेंना देण्यात आलं.. भुजबळांच्या अलीकडच्या अनेक हालचालींमुळे महायुतीतला त्यांचा असंतोष वाढल्याची चर्चा आहे.. तेव्हा येत्या काळात छगन भुजबळांचं नाराजी नाट्य घडण्याची शक्यता असल्याची खात्रीशीर माहिती मिळत आहे. त्या मुळे छगन भुजबळ पुढे काय करणार… त्यांचं पुढचं पाऊल काय असणार याकडे राजकीय वर्तुळाचंही लक्ष लागलंय.
