धुळे लाचलुचपत विभागाचे पथक सावद्यात, काय आहे प्रकरण?
सावदा, ता.रावेर, मंडे टू मंडे न्युज वृत्तसेवा। धुळे येथील लाचलुचपत प्रतिबंधक विभागाच्या पथकाने श्री महालक्ष्मी नागरी सहकारी पतसंस्थेच्या सखाराम कडू ठाकरे, विशेष लेखा परीक्षक, या प्रशासकास ५ लाख रुपयांची लाच घेताना १७ ऑगस्ट रोजी रंगेहात अटक केली हाती , त्या संदर्भात चौकशी कामी धुळे लाचलुचपत प्रतिबंधक विभागाचे पथक सावदा येथे दाखल झाले.
अधिक माहिती अशी की, रावेर तालुक्यातील सावदा नगरपालिकेच्या मालकीच्या व्यापारी संकुलातील श्री महालक्ष्मी पतसंस्थेच्या कब्जात असलेला व्यापारी गाळा व गाळ्याची संबंधित अनामत रक्कम तक्रारदार यांचे नावे वर्ग करून देण्यासाठी पतसंस्थेचे प्रशासक /अवसायक असलेल्या सखाराम कडू ठाकरे, वय- ५६ वर्ष, पद – विशेष लेखा परीक्षक, सहकारी संस्था, (प्रक्रिया) धुळे अति. कार्यभार विशेष लेखापरीक्षक सहकारी संस्था (भूविकास बँक) जळगाव संस्था, जळगाव तथा अवसायक, श्री महालक्ष्मी नागरी सहकारी पतसंस्था लिमिटेड यावल जि जळगाव सध्या राहणार ११, राधेय को-ऑपरेटिव्ह हाऊसिंग सोसायटी पाचोरा जिल्हा जळगाव, यांनी तक्रारदार यांच्याकडे ५,००,०००/- (पाच लाख) रुपये लाचेची मागणी करून सदर लाचेची रक्कम ५,००,०००/- रुपये ठाकरे याना घेताना रंगेहाथ पकडण्यात येऊन अटक करण्यात आली होती या बाबत धुळे येथील शहर पोलिसस्टेशनला गुन्हा दाखल करण्यात आला आहे.
हे ही बातमी वाचा— मुक्ताईनगर पोलिसांनी ८ दरोडेखोर पकडले; मात्र, चर्चेला उधाण… जुगार अड्ड्यावर बंदूकधाऱ्यांकडून दरोडा पडल्याच्या ?
या संदर्भात चौकशी कामी धुळे लाचलुचपत प्रतिबंधक विभागाचे पथक सावदा नगरपालिकेत चौकशी करण्याकरिता आज दुपारी दाखल झाले, यात संबंधितांची त्यांनी चौकशी केली, या वेळी लाचलुचपत प्रतिबंधक विभागाचे अधिकारी पोलीस उपअधीक्षक, अभिषेक पाटील यांची भेट घेऊन माहिती घेतली असता, या प्रकरणात असलेल्या सर्व लोकांची चौकशी करून दोषींवर कारवाई करण्यात येईल. असे “मंडे टू मंडे न्युज ” शी बोलताना त्यांनी सांगितले. चौकशी पथकात अभिषेक पाटील, पोलीस उपअधीक्षक, लाचलुचपत प्रतिबंधक विभाग, धुळे. पो. हवा. राजन कदम, शरद काटके, पो. शि. संतोष पावरा, रामदास बारेला, गायत्री पाटील, प्रशांत बागुल, प्रवीण पाटील, मकरंद पाटील, चालक पोहवा सुधीर मोरे हे होते.
