उंट कोंबून घेऊन जाणारा आयशर ट्रक सावदा पोलिसांनी केला जप्त, दोघांना अटक एक फरार
सावदा, ता.रावेर,मंडे टू मंडे न्युज वृत्तसेवा। १३ उंट आयशर ट्रक मध्ये कोंबून बेकायदेशीर रित्या घेऊन जाणाऱ्या दोघे आरोपींना सावदा पोलिसांनी अटक केली असून एक आरोपी फरार आहे.
या संदर्भात अधिक माहिती अशी की,वाहतुकीचा परवाना नसताना भारतीय वंशाचे उंट बेकायदेशीर रित्या दोरीने त्यांचे पाय व तोंड बांधून वाहून नेत असलेल्या आयशर ट्रक क्रंमांक.सीजी १२ बीएच ३२८१ ला पोलिसांनी हतनूर धरण जवळील लूमखेडा फाट्या जवळील पुलाजवळ दि.६ डिसेंबर रात्री ११ ते १२ वाजेच्या सुमारास पकडला. त्यांच्या कडून भारतीय वंशाचे १३ उंट किंमत सुमारे दोन लाख ८५ हजार रुपये व आयशर ट्रक किंमत सुमारे १० लाख रुपये असा मुद्देमाल जप्त केला.अटक केलेल्यानं मध्ये मकबूल खान फकृद्दीन खान वय-४५, रा. वरखेडा तह.आष्टा जि. सिहोर, अरबाज खान शकील खान वय-२१ राहणार अमरपुरा तह. जिल्हा देवास,मध्य प्रदेश या दोघांना पोलिसांनी ताब्यात घेतले असून खालिद खान खलील खान राहणार नशीराबाद देवास (मध्य प्रदेश) हा आरोपी फरार आहे.
या बाबत सावदा पोलिसस्टेशनला गुरनं.२५६/२०२४ प्राण्यांचा छळ प्रतिबंधक अधिनियम १९६० कलम ११(१)(घ),(ड),(च),(ज) आणि महाराष्ट्र पशु संरक्षण अधिनियम १९६० चे कलम ६,९,११, व मोटर वाहन कायदा १९८९ चे कलम ८३ प्रमाणे पोलीस कॉन्स्टेबल विनोद भिमराव दामोदर यांच्या फिर्यादीवरून गुन्हा दाखल करण्यात आला असून या बाबत अधिक तपास सावदा एपीआय जालिंदर पळे यांच्या मार्गदर्शनाखाली पोलीस उपनिरीक्षक अन्वर तडीवी व पोलीस नाईक मोहसीन पठाण हे करीत आहे.
