सावदा येथे ओरिजनल पत्रकार संघा तर्फे पत्रकार दिन साजरा
सावदा,ता.रावेर,मंडे टू मंडे न्युज नेटवर्क। सावदा येथे पत्रकार दिनानिमित्त ओरिजनल पत्रकार संघा तर्फे आचार्य बाळशास्त्री जांभेकर यांच्या प्रतिमेचे विधीवत पूजन करून अभिवादन करण्यात आले.
या प्रसंगी पत्रकार संघाचे अध्यक्ष तथा जेष्ठ पत्रकार भानूदास भारंबे, उपाध्यक्ष-कैलास लवंगडे, तसेच देवेंद्र चौधरी, रवींद्र महाजन, प्रदीप कुलकर्णी व राजेश चौधरी, किशोर परदेशी उपस्थित होते. प्रतिमा पूजनानंतर ज्येष्ठ पत्रकार भानुदास भारंबे यांनी आचार्य बाळशास्त्री जांभेकर यांच्या जीवन कार्यावर प्रकाशझोत टाकून त्यांनी पत्रकारिता क्षेत्रात केलेल्या कार्या बद्दल माहिती दिली .
