Murder : सिंगत येथे तरुणाचा दगडाने ठेचून खून करत ज्वलनशील पदार्थ टाकून जाळण्याचा प्रयत्न
खिर्डी ता.रावेर,मंडे टू मंडे न्युज प्रतिनिधी। तालुक्यातील सिंगत येथील बस स्टॉप जवळील शेत रस्त्यावर रात्रीच्या वेळेस कोणीतरी अज्ञात व्यक्तीने तरुणाच्या डोक्यात दगड घालून खून करून प्रेतावर ज्वलनशील पदार्थ टाकून पुरावा नस्ट करण्याचा प्रयत्न केल्याची घटना आज सकाळी उघडकीस आल्याने परिसरात या घटनेमुळे प्रचंड खळबळ उडाली आहे.
याबाबत निंभोरा पोलिसांना माहिती मिळाली असता घटनास्थळी दाखल होवून त्यांनी प्राथमिक चौकशी केली असता सदर मृतदेह हा पिंप्री सेकंम ता.भुसावल येथील रहिवाशी कैलास पाटील वय ४०वर्ष यांचा असल्याचे निष्पन्न झाले असून पोलिसांनी घटनास्थळाचा पंचनामा करून रक्ताने माखलेला दगड पोलिसांनी हस्तगत केला आहे.सदरील मृतदेह उपजिल्हा रुग्णालय मुक्ताईनगर येथे शवविच्छेदन करण्यासाठी पाठविण्यात आला आहे.
याप्रकरणी अज्ञात व्यक्ती विरोधात निंभोरा पोलिसात खुनाचा गुन्हा नोंदविण्याचे काम सुरू आहे. निंभोरा पोलिस स्टे.स.पोनि गणेश धुमाळ यांच्या मार्गदर्शनाखाली या घटनेचा पुढील तपास पो.हेकाँ विकास कोल्हे,पो.काँ सुरेश अढायगे हे करीत आहे.
