गहुखेडा येथिल पशुवैद्यकीय दवाखाना चालतोय डॉक्टरांच्या मनमानी कारभाराने
तासखेडा.ता.रावेर.मंडे टू मंडे न्युज अनिल इंगळे। रावेर तालुक्यातील तापी परिसरातील गहुखेडा येथिल पशुवैद्यकीय दवाखाना श्रेणी-२ असुन दवाखाना हा डॉक्टर साहेबांच्या मनमानी पद्धतीने चालत असल्यामुळे परिसरातील पशुपालकांची मोठ्या प्रमाणावर गैरसोय होत आहे.
सदरिल गुरांच्या दवाखान्यात डॉक्टर व त्यांचे सहकारी हे निवासी नसुन डॉक्टर व त्यांचे सहकारी हे भुसावळ या ठिकाणाहुन दररोज ये- जा करीत असतात. आठवड्यातून बऱ्याचदा डॉक्टर व त्यांचे सहकारी उशिरा येत असतात. असे असूनही घरी जाण्यासाठी बऱ्याच वेळेस, वेळेच्या आधी निघुन जात असल्यामुळे दवाखाना हा बंद दिसत असल्यामुळे पशुपालक हे डॉक्टरांना फोन करून विचारणा करत असतात. मात्र प्रत्येक वेळेस डॉक्टर व त्याचे सहकारी यांच्या कडे वेगवेगळे कारण असतांतच, नेमके कारण खरे किंवा खोटे हे डॉक्टर साहेबांनाच माहीत मात्र सतत घडत असलेल्या कृत्यामुळे डॉक्टर साहेबांनकडे पशुपालक संक्षयाच्या द्रुष्टीकोनाने बघत आहेत.
पशुवैद्यकीय दवाखान्यामंध्ये कुठल्याही प्रकारचे दरपत्रक लावलेले नसुन दवाखान्यात असो किंवा परिसरामध्ये पशुपालकांचा घरी व्हिजीट असो पशुपालकांकडून अव्वाच्या सव्वा रक्कम वसुल केली जात असल्यामुळे नागरिकांमध्ये मोठ्या प्रमाणात नाराजीचे सूर निघत आहे. संबधीत विभागाने या समस्येकडे लक्ष केंद्रित करून डॉक्टरांच्या हलगर्जीपणावर व पशुपालकांना होत असलेल्या त्रासावर त्वरित उपाय योजना करून तापी परिसरातील पशुपालकांना न्याय द्यावा अशी परिसरातील नागरिकांची मागणी आहे .
