ऐनपुर स.व.पटेल विद्यालयाचे पाणी अखेर लागले मार्गी; ” मंडे टू मंडे “च्या वृत्ताचा दणका
मंडे टू मंडे वृत्तसंकलन।
ऐनपुर ता.रावेर (प्रतिनिधी): ” ऐनपुर येथील सरदार वल्लभभाई पटेल विद्यालयाचे पाणी रस्त्यावर; नागरिकांची ग़ैरसोय” या आशयाची बातमी मंडे टू मंडे ने दिनांक 22 फेब्रूवारी 2021 रोजी प्रकाशित झाली होती त्याची दखल घेत संबंधित प्रशासनाने स. व. प. विद्यालयाच्या उभ्या टाकलेल्या पाइपांमधुन येणारे पाणी गटार खोदून मार्गी लावले असून गटारिच्या परिसराची साफसफाई केलेली आहे जेणेकरून प्राथमिक आरोग्य केन्द्राच्या त्या रस्त्यावर येणाऱ्या पाण्यामुळे रस्त्यावरून ये-जा करणाऱ्या नागरिक तसेच रुग्णाची ग़ैरसोय होणार नाही,त्या ठिकाणी दुर्गंधि व अस्वछता होऊन नागरिकांना विविध आजारांना तोंड द्यावे लागणार नाही.
सदर रस्त्यावरून शालेय विद्यार्थी,रुग्ण तसेच नागरिक जास्त प्रमाणात वापर करत असतात अशा या परिस्थिति मुळे त्यांची गैरसोय होत होती ,म्हणून त्या आशयाचे वृत्त प्रकाशित करून सदर बाब ” मंडे टू मंडे ” ने संबंधित प्रशासनाच्या लक्षात आणून दिले त्यानुसार संबंधित प्रशासनाने ती गटार मोकळी करून शाळेकडून काढण्यात आलेल्या पाण्याच्या पाईप मधुन त्या गटारित पाण्याची योग्य ती विल्हेवाट लावून त्या जागेत साफसफाई केलेली आहे तसेच येणारे पाणी आता योग्य मार्गाने जात आहे,अर्थात रस्त्यावर पाणी- पाणी न होता रुग्ण,विद्यार्थी तसेच नागरिकांची ग़ैरसोय होणे थांबलेले आहे
