खेलो इंडिया १० का दम स्पर्धेत सावद्याच्या जिज्ञासा भारंबे चा दम !
सावदा, मंडे टू मंडे न्युज वृत्तसेवा | खेलो इंडिया 10 का दम वुमन आर्चरी चॅम्पिअनशिप स्पर्धेत सब जुनिअर रिकर्व्ह प्रकारात जळगाव जिल्हा आर्चरी असोसिएशनची खेळाडू जिज्ञासा प्रशांत भारंबे हिने दुसरा क्रमांक पटकावला असून ट्रॉफी व सर्टिफिकेट देऊन गौरवण्यात आले.
महिलांच्या उत्थानासाठी भारताचे पंतप्रधान मा. श्री. नरेंद्र मोदी आणि केंद्रीय क्रीडामंत्री मा. श्री. अनुराग यांच्या संकल्पनेतून 10 का दम खेलो इंडिया वुमन आर्चरी चॅम्पिअनशिप स्पर्धेचे आयॊजन दिनांक 26 मार्च 2023 रोजी अमरावती येथे करण्यात आले होते. सदर स्पर्धेत महाराष्टातील महिला धनुर्धर सहभागी झाले होते. यात सब जुनिअर रिकर्व्ह प्रकारात जळगाव जिल्हा आर्चरी असोसिएशनची खेळाडू जिज्ञासा प्रशांत भारंबे हिने आपल्या खेळाचे उत्कृष्ट प्रदर्शन करत दुसरा क्रमांक पटकावला.
याबाबत ट्रॉफी व सर्टिफिकेट देऊन गौरवण्यात आले. यासाठी प्रशिक्षक श्री. रायमल भिलाला यांचे मोलाचे मार्गदर्शन मिळाले. या यशाबद्दल जळगाव जिल्हा आर्चरी असोसिएशनचे अध्यक्ष आ. शिरीष चौधरी, डॉ. उल्हास पाटील इंग्लिश मेडीयम स्कूल च्या मुख्याध्यपिका भारती महाजन यांनी अभिनंदन केले आहे.
