ब्रेकिंग : सराईत गुंडाची हत्या, मृतदेह जमिनीत गडाला,भुसावळ हादरलं!
भुसावळ, मंडे टु मंडे न्युज नेटवर्क l खुनाचा प्रयत्न, मारहाण, लुटमार, धमकी, खंडणी आदीं प्रकारचे तब्बल २६ गुन्हे दाखल असलेल्या मुकेश भालेराव या सराईत गुंड असणाऱ्या तरूणाची क्रूर हत्या करून तापी नदी पात्रा जवळील भागांमध्ये जमिनीत गाडून टाकण्यात आल्याची धक्कादायक घटना भुसावळ शहरात घडल्याने मोठी खळबळ उडाली आहे. ही त्याची हत्या टोळी युद्धातून झालेल्या पूर्ववैमनस्यातून झाल्याची शक्यता वर्तवली जात आहे.
मिळालेल्या माहितीनुसार, मुकेश प्रकाश भालेराव, वय ३१ वर्ष. रा. टेक्नीकल हायस्कूल मागे भुसावळ. याच्यावर अनेक गुन्हे दाखल असून यात खुनाचा प्रयत्न, मारहाण, लुटमार, धमकी, खंडणी अशी तब्बल २६ गुन्हे दाखल असून त्या मुळे त्याला नाशिक येथे स्थानबध्द देखील केले होते. स्थानबद्धतेतून बाहेर आल्यानंतर तो भुसावळ येथेच वास्तव्याला आला होता.
गेल्या चार दिवसांपूर्वी मुकेश भालेराव याच्या घरून त्याला काही तरूण बोलावून घेऊन गेले होते. तेव्हापासून तो बेपत्ता होता. त्याचा शोध घेऊन देखील तो मिळून न आल्याने आज सकाळी त्याची पत्नी पोलीस स्टेशनला या संदर्भात तक्रार देण्यासाठी गेली होती.
मात्र आज संध्याकाळी सात वाजेच्या सुमारास मुकेश प्रकाश भालेराव याची हत्या करून त्याचा मृतदेह हा तापी नदीच्या बाजूला असलेल्या भागात पुरून टाकण्यात आल्याची माहिती समोर आली. या धक्कादायक माहितीच्या आधारे माहिती मिळताच पोलिसांनी घटनास्थळी धाव घेऊन त्याचा मृतदेह बाहेर काढला.
मुकेश भालेराव यांचेवर अनेक प्रकारचे तब्बल २६ गंभीर गुन्हे दाखल आहेत. मुकेश ची टोळी असून ही हत्या टोळी युध्दातील पूर्ववैमनस्यातून झाली असल्याची शक्यता देखील व्यक्त केली जात असून मुकेश भालेरावच्या हत्येमुळे परिसरात मोठी खळबळ उडाली आहे. मुकेश भालेराव याचा पार्थिव शवविच्छेदन करण्यासाठी पाठविण्यात आले असून शहर पोलीस स्थानकात या प्रकरणी गुन्हा दाखल करण्याचे काम सुरू होते.
