विवाहितेचा चुलत दिराकडून विनयभंग : फैजपूर पोलिसांत गुन्हा दाखल !
फैजपूर, मंडे टू मंडे वृत्तसेवा : यावल तालुक्यातील एका गावात राहिवासास असलेल्या विवाहितेवर तीच्या चुलत दिराकडून विनयभंग केल्याची धक्कादायक घटना उघडकीस आली असून याप्रकरणी फैजपूर पोलीस ठाण्यात गुन्हा नोंद करण्यात आला आहे.
फैजपूर पोलीसांनी दिलेल्या माहिती नुसार, यावल तालुक्यातील एका गावात आपल्या कुटुंबियांसह वास्तव्याला असलेल्या २५ वर्षीय विवाहिता ह्या गुरूवार ७ एप्रिल रोजी दुपारी १२ ते १२.३० वाजेच्या दरम्यान घरी असतांना तिचा चुलत मानलेला दिराने तिच्या बेडरूममध्ये येवून मनास लज्जा उत्पन्न होईल असे कृत्य करत विनयभंग केल्याचा संतापजनक प्रकार घडला आहे.
सदरील प्रकरणात विवाहितेच्या तक्रारीवरून फैजपूर पोलीस ठाण्यात संशयित दिरा विरुद्ध गुन्हा दाखल करण्यात आला असून या गुन्हाच्या फिर्यादीनुसार दीराला अटक करण्यात आली आहे. पुढील तपास पोलीस नाईक विकास सोनवणे करीत आहे.
