ब्रेकिंग : सहा.पोलिस उप निरीक्षकावर जीवघेणा हल्ला
मंडे टु मंडे न्युज नेटवर्क l भरवरस्त्यात सहायक पोलिस उपनिरीक्षकावर चाकूने हल्ला करण्यात आला. रस्त्यावर दहशत निर्माण करणाऱ्या टोळक्याने हल्ला केल्याची माहिती मिळत आहे. ही घटना नाशिक शहरातील पंचवटी मध्ये घडली.
सहायक पोलिस उप निरीक्षक नामदेव सोनवणे यांच्यावर हा चाकू हल्ला करण्यात आला आहे. सोनवणे हे पंचवटी पोलिस ठाण्याचे सहाय्यक पोलीस उप निरीक्षक आहेत. रस्त्यावर टोळके उच्छाद मांडण्याचा प्रयत्न हे टोळके करत होते.
सोनवणे हे घरी जात असताना त्यांनी खडकी या ठिकाणी शुक्रवार दि. ४ रोजी रात्री सव्वाआठ वाजेच्या सुमारास दिंडोरी नाक्यासमोर गीता हार्डवेअर समोर सराईत गुन्हेगार विकी संजय जाधव उर्फ गटया, रा. अवधूत वाडी, पंचवटी हा हातात चाकू घेऊन नागरिकांमध्ये दहशत निर्माण करीत होता. याच्या टोळक्याला हटकण्याचा प्रयत्न केला असता त्यांनी सहायक पोलीस उपनिरीक्षक नामदेव कारभारी सोनवणे, ५७, रा. धात्रक फाटा, नेमणूक मध्यवर्ती गुन्हे शाखा . यांचेवर हल्ला केला त्यात ते जखमी झाले मात्र त्याही परिस्थितीत त्यांनी हल्लेखोरांना पकडले.व पंचवटी पोलिस स्टेशनला घेऊन गेले आहेत.
