अज्ञात वाहनाच्या धडकेत दुचाकीस्वार जागीच ठार, रावेर तालुक्यातील घटना
रावेर, मंडे टू मंडे न्युज नेटवर्क l रावेर तालुक्यातील दुचाकीस्वार युवकाला अज्ञात वाहनाने जोरदार धडक दिल्याने त्यात युवक जागीच ठार झाल्याची घटना रावेर पिंप्री रस्त्यावर ३० सप्टेंबर रोजी रात्री १० वाजेच्या सुमारास घडली.या संदर्भात रावेर पोलिस स्टेशनला ३ ऑक्टोबर रोजी अज्ञात वाहन चालका विरुद्ध गुन्हा दाखल करण्यात आला आहे.
रावेर तालुक्यातील पिंप्री येथील युवक शिवम उर्फ शिवा रमेश जाधव. वय ३० वर्ष. हा रावेरहून एमएच १९ – ईबी ६७५० या मोटारसायकलने घरी पिंप्री येथे जात असताना, त्यास अज्ञात वाहनाने जबर धडक देऊन वाहनचालक घटनास्थळावरून पसार झाला.या अपघातात शिवम जागीच ठार झाला.
रावेर पोलीस स्टेशनला दि. ३ ऑक्टोबर रोजी विनोद लालचंद जाधव यांनी फिर्याद दिली असून पोलिस निरीक्षक डॉ. विशाल जयस्वाल यांच्या मार्गदर्शनाखाली पो.हे.कॉ. राजेंद्र राठोड, पो.कॉ. गोपाळ ठाकूर पुढील तपास करीत आहेत.
