जळगाव मध्ये पाचशेच्या नकली नोटा सापडल्याने खळबळ, यावल येथील तरुणाला अटक
जळगाव, मंडे टु मंडे न्युज नेटवर्क l जळगाव मध्ये एका तरुणा जवळ पाचशे रुपयांच्या नकली नोटा सापडल्याने मोठी खळबळ उडाली आहे. जळगाव शहरातील आर.आर. विद्यालयाच्या परिसरात एका तरुणाजवळ तब्बल ४८ हजार ५०० रुपये किमतीच्या पाचशेच्या ९७ नोटा नकली आढळून आल्याने खळबळ उडाली आहे. या प्रकरणी चेतन शांताराम सावकारे वय-२७, रा, पुण्यनगर. यावल. या तरुणाला पोलिसांनी ताब्यात घेतले आहे. या संदर्भात बुधवार ९ ऑक्टोबर रोजी रात्री ९ वाजता जिल्हापेठ पोलीस स्टेशनला गुन्हा दाखल करण्यात आला आहे.
मिळालेल्या माहितीनुसार, ९ ऑक्टोबर बुधवार रोजी सकाळी ११.३० वाजेच्या सुमारास जळगाव शहरातील आर.आर. विद्यालयाच्या शेजारील असलेल्या गल्लीत संशयित आरोपी चेतन सावकारे हा बुलेट क्रमांक एमएच सीएल २२२१ वर आलेला होता. त्यावेळी त्याच्याकडे पाचशेच्या बनावट नोटा असल्याची माहिती जिल्हापेठ पोलिसांना मिळाली. त्यानुसार पोलिसांनी कारवाई करत संशयित आरोपी चेतन शांताराम सावकारे वय २७ वर्ष. राहणार पुण्यनगर, यावल याला ताब्यात घेतले. त्याच्याकडून पाचशे रुपये किमतीच्या ९७ नोटा असा एकूण ४८ हजार ५०० रुपये किमतीच्या बनावट नोटा जप्त केल्या आहेत. याप्रकरणी चेतन सावकारे याच्यावर जिल्हापेठ पोलीस स्टेशनला गुन्हा दाखल करण्यात आला. सहा. फौ.उल्हास चऱ्हाटे हे पुढील तपास करीत आहे.
