गळ्यातील स्कार्प दुचाकीच्या मागच्या चाकात अडकल्याने महिलेचा मृत्यू !
मंडे टू मंडे वृत्तसंकलंन।
यावल, मंडे टू मंडे वृत्तसेवा। शहरातील एका महिलेचा स्कार्फ दुचाकीच्या मागच्या चाकात अडकल्याने चितोडे ते यावल रस्त्यावर आज दुपारी जात असतांना झालेल्या अपघातात महिलेचा दुदैवी मृत्यू झाल्याची घटना घडली आहे.
मिळालेली माहितीनुसार, आज सोमवारी २ ऑगस्ट रोजी दुपारी ३ वाजेच्या सुमारास तालुक्यातील डोंगरकठोरा येथील उपप्राथमिक आरोग्य केंद्रात मदतनीस म्हणून कार्यरत असलेल्या कल्पना अनिल सोनवणे (वय-३९) या पती अनिल लिलाधार सोनवणे रा.व्यास नगर, यावल हे कामाच्या निमित्ताने पती अनिल सोनवणे यांच्यासोबत (एमएच १९ बीएच ५८६५) ने कामावरून यावल येथे येत असतांना चितोडा-यावल गावादरम्यानच्या रस्त्यावर त्यांच्या गळ्यातील स्कार्प अचानक दुचाकीच्या मागच्या चाकात अडकला. त्यामुळे कल्पना सोनवणे ह्या जमीनवर पडल्या. त्यात त्यांच्या डोक्याला गंभीर दुखापत झाली. त्यांना तातडीने उपचारासाठी यावल ग्रामीण रूग्णालयात आणले असता वैद्यकीय अधिकारी डॉ. बी.बी. बारेला यांनी मयत घोषीत केले.
