भारत-चीन तणाव; सर्वेक्षणात देशाच्या सुरक्षेवर ७२ टक्के नागरिकांचा PM मोदींवर विश्वास :

भारत-चीन सीमेवर तणाव वाढला आहे. यामुळे भारताच्या भूमिकेकडे सर्वाचं लक्ष आहे. देशाची जनताही ही स्थिती जवळून बघत आहे. चीनबाबतच्या धोरणावरून विरोधी पक्षांनी केंद्र सरकारला टीकेच लक्ष्य केलंय. लडाखमध्ये २० भारतीय जवान शहीद झाल्यानंतर सरकारने चीनवर कठोर कारवाई करावी अशी मागणी होतेय. या तणावाच्या स्थितीदरम्यान एक सर्वेक्षण करण्यात आलं. देशाच्या सुरक्षेबाबत हे सर्वेक्षण केलं गेलं.

नवी दिल्ली :

पूर्व लडाखमध्ये गलवान खोऱ्यात भारत-चीन सीमेवर तणाव आहे. एक महिन्याहून अधिक काळापासून हा तणाव सुरू आहे आणि तो अजूनही मिटलेला नाही. या तणावाच्या दरम्यान भारतात एक सर्वेक्षण करण्यात आलं. राष्ट्रीय सुरक्षेच्या मुद्द्यावर हे सर्वेक्षण होतं. आयएएनएस सी-वोटरद्वारे हे सर्वेक्षण केलं गेलं. आयएएनएस सी-वोटरच्या स्नॅप पोलनुसार ७० टक्क्यांहून अधिक नागरिकांनी देशाच्या सुरक्षेबाबत पंतप्रधान मोदींवर विश्वास व्यक्त केला आहे. पंतप्रधान मोदी चीनसोबतची तणावाची स्थिती हाताळण्यात सक्षम आहेत, असं मत नागरिकांनी व्यक्त केलंय.

वेगवेगळ्या नागरिकांमध्ये झाले सर्वेक्षण

१६.२ टक्के नागरिकांच्या मते मोदी काही मर्यादेपर्यंत स्थिती हाताळू शकतील तर, ११.२ टक्के नागरिकांचा मोदींवर विश्वास नाहीए. हे सर्वेक्षण वेगवेगळ्या भागापासून ते वेगवगेळे उत्पन्न, शिक्षणाचा स्तर आणि वेगवेगळ्या समाजातील नागरिकांमध्ये केला गेला. यांनी निर्भिडपणे आपली मतं मांडली. गेल्या आठवड्यात भारत-चीनमध्ये सुरू असलेल्या तणावादरम्यान केलं गेलं. गेल्या आठवड्या सोमवारी गलवान खोऱ्यात १५ जूनला भारत-चीनच्या सैनिकांमध्ये हिंसक संषर्घ झाला. यात भारतीय लष्कराच्या कमांडिंग अधिकाऱ्यासह २० जवान शहीद झाले होते.

अखंडता आणि सर्वभौमत्व सर्वोच्च

गलवान खोऱ्यात भारताचे २० जवान शहीद झाल्यानंतर सीमेवरील तणाव वाढला होता. यापार्श्वभूमवीर पंतप्रधान मोदींनी सर्वपक्षीय नेत्यांची बैठक बोलावली होती. या बैठकीत पंतप्रधान मोदींनी लडाखमधील सीमेवरील स्थितीबाबत माहिती दिली. देशाची अखंडता आणि सर्वभौमत्व सर्वोच्च आहे. गलवानमध्ये भारताच्या शहीद जवानांनी चीनला धडा शिकडला, असं मोदी म्हणाले होते. राष्ट्रीय सुरक्षेच्या मुद्द्यावर पंतप्रधान मोदींवर तुम्ही किती विश्वास आहे, असा प्रश्न नागरिकांना करण्यात आला होता. ६० वर्षावरील नागरिक, कमी शिक्षित, उच्च उत्पन्न असलेले नागरिक आणि पुरुषांनी देशाच्या सुरक्षेबाबत पतप्रधान मोदींवर विश्वास व्यक्त केलाय. तसंच एनडीएतील ८२.६ टक्के मतदारांनी निवडून दिलेल्या नेत्यावर विश्वास व्यक्त केला आहे.

यांनीही मत मांडले

विरोधी पक्षांना मत देणाऱ्या ५१.१ टक्के नागरिकांनी देशाच्या नेतृत्वार विश्वास व्यक्त केलाय. चीनशी सुरू असलेला तणाव हाताळण्यात मोदी सक्षम नाही, असं म्हणणाऱ्यांमध्ये उच्च शिक्षित, मुस्लिम, शिख आणि २५ ते ४५ वर्ष वयोगटातील तरुणांचा समावेश आहे. तर एनडीएमधील ५.३ टक्के मतदारांचाच मोदींवर विश्वास नाहीए.

बातम्यांच्या अपडेट मिळवण्यासाठी आम्हाला फॉलो करा

• 
• 
• 
• 
•