रेड्याच्या हल्ल्यात शेतकऱ्याचा मृत्यू पाडळसे येथील घटना !
पाडळसे ता.यावल। येथील महाकालेश्वर नगर मधील राहिवाशी रविद्र भास्कर कोळी वय ४८ हे अल्पभूधारक शेतकरी असून जोडधंदा म्हणून ते म्हैसी चा व्यवसाय करायचे आज सकाळी ते नेहमी प्रमाणे म्हैसी व रेडा घेऊन शेतामध्ये चराईसाठी गेले असता अचानक रेड्याने रविद्र कोळी यांच्यावर हल्ला चढवला यामध्ये त्यांचा जागीच मृत्यू झाला.
रवींद्र कोळी हा अल्पभूधारक असून संसाराला हातभार लागावा म्हणून ते म्हैसी चा व्यवसाय करायचे त्यांच्या पत्नी देखील दुसऱ्यांच्या शेतामध्ये मोलमजुरी करतात रवींद्र भास्कर कोळी यांच्या पश्चात दोन मुले , पत्नी असा परिवार आहे या गरीब शेतकऱ्याचा दुर्दैवी मृत्यू झाल्यामुळे शासनाने त्यांच्या मुलाबाळांना शेतकरी योजनेतून लाभ मिळावा अशी मागणी पाडळसे गावातून होत आहे या घटनेने पाडळसे परिसरात हळहळ व्यक्त करण्यात आली पुढील तपास फैजपूर पोलीस करत आहेत.
