लुमखेडा येथील खड्डेमय रस्ता झाला जीवघेणा बांधकाम विभागाचे दुर्लक्ष…
मंडे टू मंडे वृत्तसंकलन।
लुमखेडा ता.रावेर (गोपाळ बार्हे )। रावेर तालुक्यातील लुमखेडा येथील मुख्य फाट्या पासून ते गावापर्यंत सुमारे दोन किलो मिटर पर्यंतचा रास्ता कित्येक महिन्यांपासून अत्यंत खराब व खड्डेमय झालेला असून या रस्त्यावरून वाहन चालवतांना अगदी तारेवरची कसरत करावी लागत असून जीव मुठीत घेवून प्रवास करावा लागतो.
अनेक वेळा खड्डे वाचविण्याच्या नादात किरकोळ स्वरूपाचे अपघात सुध्दा घडतात सध्या उन्हाळ्याचे दिवस आहेत पावसाळ्यात तर पायी चालणे अत्यंत जिक्रीचे ठरते.संबंधित ठेकेदाराने जर वेळेवर डागडुजी केली असती तर आज हि वेळ आली नसती.अधिकाऱ्यां सोबत ठेकेदार सुध्दा सुस्तावले आहे की काय असे वाटते.रस्त्यामुळे वाहनांची अवस्था खिळखिळी होत असून आर्थिक नुकसान सहन करावे लागते.एखादी मोठी दुर्घटना घडल्यास या सर्व गोष्टीला जबाबदार कोण राहणार ? या सर्व प्रकाराकडे लोकप्रतिनिधी व सम्बधित बांधकाम विभागाने काळजी पूर्वक लक्षदेवून त्वरित रस्त्याची दुरूस्ती करण्यात यावी.तसेच रस्ता वाहतुकीस सुरळीत करण्यात यावा अशी मागणी लुमखेडा गावातील नागरिक करीत आहे.तसेच लवकरात लवकर रस्त्याची दुरुस्ती न झाल्यास लोकशाही मार्गाने उपोषण करण्याचा इशारा सुध्दा देण्यात आला.
