मुख्यमंत्र्यांची लाडकी बहिण “बांगलादेशी” घुसखोर बहिणीला अटक
मुंबई, मंडे टु मंडे न्युज नेटवर्क l विधानसभा निवडणुकीत मुख्यमंत्री माझी लाडकी बहीण’ योजना गेम चेंजर ठरली. धक्कादायक बाब म्हणजे याच लाडकी बहीण योजनेचा बांगलादेशी महिलेनं चक्क बनावट कागदपत्रे सादर करून लाभ घेतल्याची स्पष्ट झालं.
या योजनेच्या माध्यमातून राज्यातील तळागाळातील महिलांना दरमहा पंधराशे रुपये मिळू लागले. लाडकी बहीण योजना महाराष्ट्रातील गरजू व पात्र महिलांसाठी राबवण्यात येते.
बांगलादेशी महिलेनं बनावट कागदपत्रं सादर करून लाडकी बहीण योजनेचा लाभ घेतल्याने मुंबईतील कामाठीपुरा इथं राहणाऱ्या बांगलादेशी महिलेला
अटक करण्यात आली आहे.
या महिलेची सध्या चौकशी सुरू असून या साठी तिने कोणती बनावट कागदपत्रं सादर केली, या लाडकी बहिण योजनेचा लाभ तिने कसा घेतला, भारतात वास्तव्य करत असताना त्यांच्याकडे कोणती अधिकृत कागदपत्रं आहेत? ती भातरात कशी आली, की ती चुकीच्या पद्धतीनं भारतात राहत आहेत, तिला कोणी कोणी मदत केली, बनावट कागदपत्रे तयार करण्यात तिला कोणी मदत केली. त्याबाबतचा तपास गुन्हे शाखा करत आहे.
याप्रकरणी ५ बांगलादेशी महिला आणि पुरुषांना अटक करण्यात आली आहे. या प्रकरणी संबंधित दलालाला देखील अटक करण्यात आली आहे. या दलालानं बनावट कागदपत्रं बनवण्यासाठी मदत केल्याचा आरोप आहे. या बांगलादेशी महिलेनं भारतात घुसखोरी केली त्या नंतर बनावट कागदपत्रे तयार करून लाडकी बहिण योजनेचा लाभ घेतला. ज्या एजेंट कडून ही बनावट कागदपत्रे तयार केली होती त्या एजेंट ला देखील अटक करण्यात आली आहे.
बांगलादेशातून अवैधरित्या भारतात येऊन बेकायदा पद्धतीनं राहण्याचा गुन्हा त्यांच्याविरोधात नोंदवण्यात आला.ही कारवाई मुंबई पोलिसांच्या गुन्हे शाखेने केली. राज्यात मुंबई, ठाणे, भिवंडी, पुणे येथे अनेक बांगलादेशी रहात असल्याचे प्रकरणे समोर आली आहेत. त्यांच्या कडे भारतीय आधारकार्ड,पॅनकार्ड अशी कागदपत्रे सापडली आहेत.
बातम्यांच्या अपडेट मिळवण्यासाठी आम्हाला फॉलो करा
