लाख रुपयांची लाच घेताना लाचखोर पोलीस उपनिरीक्षक एसीबीच्या जाळ्यात !
चाळीसगाव, मंडे टू मंडे न्यूज वृत्तसेवा : गुन्ह्यात मदत करून दोषारोपपत्र लवकर पाठवण्याच्या मोबदल्यात तडजोडीअंती १ लाख रुपयांची लाच स्वीकारणार्या मेहुणबारे पोलिस ठाण्यातील पोलिस उपनिरीक्षकास एसीबीच्या पथकाने पोलिस ठाण्याच्या आवारातच लाच घेताना रंगेहाथ पकडल्याने पोलीस दलात प्रचंड खळबळ उडाली आहे.
- मुंबई-अयोध्या अमृत भारत एक्स्प्रेस सुरू! भुसावळसह “या ” स्थानकांवर थांबा ! मुंबई ते अयोध्या दरम्यान २४ साप्ताहिक फेऱ्या
- गावठी कट्टा व चार काडतुसांसह सुरत मधील सराईत गुन्हेगाराला अटक; ८.३० लाखांचा मुद्देमाल जप्त
- शालार्थ घोटाळ्याच्या तपासाला वेग ; शाळांच्या १५ वर्षांतील तपासणीचा अहवाल सादर करण्याचे निर्देश ! जळगाव जिल्ह्यातील १३९ शाळांचा समावेश
तक्रारदारावर एक गुन्हा दाखल असून त्यात गुन्ह्याचे दोषारोपपत्र लवकर दाखल करण्यासाठी तसेच हजेरी अॅडजस्ट करून तक्रारदाराला गुन्ह्यात मदत करण्यासाठी गुन्ह्यात तपास अधिकारी असलेले उपनिरीक्षक योगेश ढिकले (वय-३२) रा.जिजाई नगर, तिरपुळे रोड, मेहुणबारे ता. चाळीसगाव यांनी गुन्ह्यात मदत करून दोषारोपपत्र लवकर पाठवण्याच्या मोबदल्यात ४ लाख ५० हजारांची मागणी करून तडजोडीअंती १ लाख तडजोडीअंती देण्याचे ठरले होते.
तक्रारदाराने याबाबत एसीबीकडे तक्रार केल्यानंतर जळगाव लाचलुचपत विभागाचे पोलीस उपअधिक्षक शशिकांत पाटील यांच्या पथकाने सापळा रचत गुरुवारी दोन वाजता आरोपी पोलीस निरीक्षक योगेश ढिकले याला पोलिस ठाण्याच्या आवारातच लाच स्वीकारताच रंगेहात अटक करण्यात आली असून याप्रकरणी मेहुणबारे पोलीस ठाण्यात गुन्हा दाखल करण्यात येत आहे.
