जळगाव पुन्हा खुनाने हादरले : दगडाने ठेऊन एकाची हत्या !
जळगाव, मंडे टू मंडे न्यूज वृत्तसेवा : शहरात पुन्हा खुनाने हादरले असून आज दुपारी मेहरूण तलावाच्या काठावर एकास दगडाने ठेचून अतिशय क्रूर पध्दतीत हत्या केल्याची घटना उघडकीस आली आहे. या घटनेने शहरात खळबळ उडाली आहे.
मिळालेल्या माहितीनुसार, आज दुपारच्या सुमारास मेहरूण तलावाच्या काठावर एका ४५ वर्षीय प्रौढाचा चेहरा दगडाने ठेचलेल्या अवस्थेतील मृतदेह आढळून आल्याने परिसरात खळबळ उडाली असून चेहरा दगडाने ठेचल्याने अद्याप ओळख पटलेली नाही. दगडाने ठेचून खून केल्याचा प्राथमिक अंदाज व्यक्त करण्यात येत आहे.
गेल्या दोन हप्त्यामध्ये जळगाव शहरात लागोपाठ झालेला हा तीन खून झाल्याने प्रचंड खळबळ उडालेली आहे. मेहरूण तलावाच्या काठावरील खुनाची माहिती मिळताच घटनास्थळी एमआयडीसी पोलीसांचे पथकाने दाखल झाले असून प्राथमिक चौकशीला सुरवात केली आहे. या प्रकरणी पंचनामा करण्याचे काम सुरू आहे.
