जळगाव एमआयडीसी मधील केमिकल कंपनीला लागलेल्या भीषण आगीत २० ते २२ कामगार जखमी
जळगाव, मंडे टु मंडे न्युज नेटवर्क l आज बुधवार १७ एप्रिल रोजी जळगाव एमआयडीसीमधील डी-सेक्टर मधील मोरया केमिकल कंपनीला भीषण आग लागल्याची घटना घडली. या आगीत पाच ते सहा कामगारांची प्रकृती गंभीर असून २० पेक्षा जास्त कामगार गंभीररित्या भाजले गेले आहेत. काही जखमींना खाजगी तर काहींना जिल्हा शासकीय वैद्यकीय महाविद्यालयात उपचारार्थ दाखल करण्यात आले आहे.
मिळालेली अधिक माहिती अशी की, जळगाव शहरातील एमआयडीसी सेक्टर मधील मोरया केमिकल कंपनीत आज सकाळी ९ वाजेच्या दरम्यान भीषण आग लागली. ही आग कशामुळे लागली याची मात्र माहिती अद्याप उपलब्ध झालेली नसली तरी घटनास्थळी औद्योगिक वसाहत मधील अग्निशमन बंब, महानगरपालिकेचा अग्निशमन बंब, जैन हिल्स येथील अग्निशमन बंब असे ३ ते ४ अग्निशमन बंब घटनांसाठी दाखल झाले. आग इतकी भयानक होती की, आगीचे मोठ मोठे लोळ बाहेर पडताना दिसून येत होते. दरम्यान याआगीत सकाळच्या शिफ्टमध्ये काम करणारे २० हुन अधिक कामगार गंभीररित्या भाजले गेल्याचे सांगण्यात आले .
या घटनेची माहिती मिळाल्यानंतर खाजगी व शासकीय रुग्णवाहिका घटनास्थळी तातडीने दाखल झाल्या. व जखमी व भाजलेल्या कामगारांना तातडीने मेहरूण येथील सारा हॉस्पिटल येथे दाखल करण्यात आले. तेथे त्यांच्यावर प्राथमिक उपचार करून जिल्हा शासकीय वैद्यकीय महाविद्यालय व खासगी रुग्णालयात हलविण्यात आहे. यातील जखमी कामगारांचा आकडा वाढविण्याची शक्यता आहे.
जखमी झालेले कामगार
हेमंत गोविंदा भंगाळे वय- २७, प्रभात कॉलनी, मयूर राजू खैरनार वय-२७, रा.जुना खेडी रोड, विशाल रवींद्र बारी व -२८,रा. श्रीकृष्ण नगर जुने जळगाव, सचिन श्रावण चौधरी वय-२४, रा.रामेश्वर कॉलनी, गोपाल आत्माराम पाटील रा. विखरण ता.एरंडोल ह. मु. आयोध्या नगर, भिकन पुंडलिक खैरनार वय-४२, रा. इच्छा देवी परिसर, चंद्रकांत लक्ष्मण पाटील वय-२४, रा. धुळे ह.मु. रामेश्वर कॉलनी, जगजीवन अनंत परब वय-५३, रा.आयोध्या नगर, रमेश अजमल पवार वय-२१, रा. रामेश्वर कॉलनी, नवाज समीर तडवी वय -५१, रा.अशोक किराणा दुकान, रामेश्वर कॉलनी, दीपक वामन सुवा वय -२५, रा.विठोबा नगर, कालिका माता नगर, नंदू छगन पवार वय-३५, रा. रामेश्वर कॉलनी, कपिल राजेंद्र पाटील वय-२४, रा. आव्हाने ता. जळगाव ,आनंद छगन जगदेव वय-३८ रा. रामेश्वर कॉलनी, गणेश रघुनाथ सोनवणे वय-५०, रा. सुप्रीम कॉलनी, फिरोज रज्जाक तडवी वय-४०, रा. रामेश्वर कॉलनी, किशोर दत्तात्रय चौधरी वय-५० रा. रामेश्वर कॉलनी चंद्रकांत दशरथ घोडेरावत वय-४७ रा रामेश्वर कॉलनी, जळगाव
