जळगाव जिल्ह्यात तब्बल दीड लाखाचा गांजा जप्त
जळगाव,मंडे टू मंडे न्युज वृत्तसेवा। जळगाव jalgaon जिल्ह्यातील अमळनेर-चोपडा रोडवरील सावखेडा शिवारात एका आश्रम शाळेजवळ अमळनेर पोलिसांची धाडसी कारवाईत दीड लाखाच्या गांजा सह जगदीश काशिनाथ पाटील,वय, ३१, रा. निमगव्हाण ता.चोपडा,या आरोपीला अटक केली आहे.
अमळनेर जवळील सावखेडा शिवारातील चोपडा ते अमळनेर रोडचे लगत असलेल्या आईसाहेब कुसुमबाई मोरे एस. सी. मुलामुलीची आश्रम शाळेजवळचे बोडाजवळ एक व्यक्ती गांजा विक्री करत असल्याची माहिती पोलीस निरीक्षक जयपाल हिरे यांना ३० एप्रिल रोजी मिळाली असता त्यांनी तात्काळ आपल्या सहकाऱ्यांसह दुपारी अडीच वाजेच्या सुमारास आश्रम शाळेजवळच्या बोडाजवळ धाड टाकून जगदीश काशिनाथ पाटील याना या ताब्यात घेत त्याच्याकडून ९ किलो ६४७ ग्रॅम वजनाचा अंदाजे १ लाख ४३ हजार रुपये किंमतीचा गुंगी आणणारा गांजा मिळून आला.या बाबत गुन्हा दाखल करण्यात आला आहे.
