“जो दिवा विझलेला आहे…” गिरीश महाजनांची एकनाथ खडसे यांच्या भाजप प्रवेशावर खेचक टीका, …ते आमचे वरिष्ठ नेते,खडसेंचा टोला
जळगाव, मंडे टु मंडे न्युज नेटवर्क l विधान परिषदेचे आमदार माजी मंत्री एकनाथराव खडसे हे राष्ट्रवादी काँग्रेस शरद पवार गटाला रामराम करत लवकरच भाजपा प्रवेश करून स्वगृही परतणार असल्याचे खुद्द खडसे यांनी माध्यमांना सांगितल्यानंतर दिल्लीत भाजपा केंद्रीय नेतृत्वात एकनाथ खडसे हे भाजपात प्रवेश करतील हे स्पष्ट झाले आहे. दरम्यान राज्याचे भाजपा नेते मंत्री गिरीश महाजन यांना माध्यम प्रतिनिधीनीं खडसेंच्या प्रवेशा बाबत विचारले असता त्यांनी खडसे यांच्यावर तुफान फटकेबाजी करित खेचाक टीका केली. “जो दिवा विझलेला आहे त्या बद्दल तुम्ही एवढं का बोलतात असं मंत्री महाजन यांनी म्हटलं.
काय म्हणाले मंत्री गिरीश महाजन…
माध्यम प्रतिनिधिनीं खडसेंच्या भाजप प्रवेशा बाबत मंत्री गिरीष महाजन यांना विचारले असता ते म्हणाले की, त्यांच्या प्रवेश कधी होईल हे मला माहिती नाही, त्यांच्या गावाची सात लोकांची ग्रामपंचायत देखील त्यांच्या कडे नाही , आमदारकीला त्यांची कन्या पराभूत झाल्या, दुध डेअरी, सहकारी बँक नाही,आता त्यांच्या कडे काय राहिलेलं आहे, मला वाटतं “जो दिवा विझलेला आहे त्या बद्दल तुम्ही एवढं का बोलतात मला कळत नाही आहे. अशी खोचक टीका गिरीश महाजन यांनी केली आहे.
मंत्री गिरीश महाजन व एकनाथ खडसे यांच्यातील वाद सर्वश्रुत आहे.दरम्यान गिरीश महाजन यांनी केलेल्या टिके नंतर खडसेनीं मात्र गिरीष महाजन हे आपले वरिष्ठ नेते आहेत असं म्हणून टोला लगावला व प्रतिउत्तर देणं टाळलं.
