यावल तालुक्यातील मजुराची गळफास घेऊन आत्महत्या
यावल, मंडे टु मंडे न्युज नेटवर्क | यावल तालुक्यातील एका मजुराने शेताच्या बांधावरील झाडाला गळफास लावून घेत आत्महत्या केल्याची घटना रविवारी दि. २७ एप्रिल रोजी
साकळी शिवारात उघडकीस आली.
यावल तालुक्यातील शिरसाड येथील रहिवाशी मानसिंग जवानसिंग भिलाला (वय ५०, रा. शिरसाड. ता. यावल) हा
आपल्या परिवारासह शिरसाड या गावात मजुरी करून उदरनिर्वाह करीत होता. रविवारी सकाळी साकळी गावाच्या शिवारात ईश्वर लोधी यांच्या शेताच्या बांधावरील निंबाच्या झाडाला रुमालाच्या साहाय्याने गळफास घेऊन त्याने आत्महत्या केली. आजूबाजूच्या ग्रामस्थांनी त्याला ग्रामीण रुग्णालयात दाखल केले.
मात्र डॉक्टरांनी त्यांना मयत घोषित केले. या संदर्भात यावल पोलीस स्टेशनला अकस्मात मृत्यूची नोंद करण्यात आली असून सहाय्यक फौजदार अर्जुन सोनवणे हे पुढील तपास करीत आहेत.
