भूमी अधीक्षक कार्यालयातील कर्मचारी ५ हजारांची लाच घेताना एसीबी च्या जाळ्यात
मंडे टु मंडे न्युज नेटवर्क l शेत जमिनीची मोजणी शिट देण्याच्या मोबदल्यात १० हजारांची लाच मागून तडजोडी अंती ५ हजार रुपये घेताना नंदुरबार जिल्ह्यातील भूमी अभिलेख विभाग कार्यालयातील अभिजित अर्जुन वळवी याना लाच लुचपत प्रतिबंधक विभागाने रंगेहाथ पकडले.
सविस्तर माहिती अशी की, ७४ वर्षीय पुरुष तक्रारदार यांची मालकीची हिंगणी शिवारात तालुका शहादा येथे गट नंबर ,१७ ही शेतजमीन आहे. यापूर्वी या शेताची अभिजित अर्जुन वळवी, वय ४३ वर्षे, व्यवसाय – नोकरी , भुकर मापक , उप अधीक्षक भूमिअभिलेख कार्यालय , शहादा तालुका-शहादा जिल्हा- नंदुरबार. यांनी मोजणी केली आहे परंतु अभिजित साळवी यांनी शेत मोजणीचे शीट तक्रारदार यांना दिलेले नाही. तक्रारदार यांनी त्यांच्या शेताच्या मोजणी बाबतचे शिट अभिजित साळवी यांना मागीतले असता अभिजित साळवी यांनी तक्रारदार यांना त्यांच्या शेतमोजणीचे मोजणी शिट देण्याच्या मोबदल्यात प्रथम दहा हजार रुपयांची व तडजोडीअंती पंचांसमक्ष पाच हजार रूपयांची मागणी केली. अभिजित साळवी यांनी आज दिनांक ०६/०२/२०२५ रोजी तक्रारदार यांच्याकडून पाच हजार रुपये लाचेची रक्कम पंचांसमक्ष स्विकारली आहे. याबाबत शहादा पोलीस स्टेशन येथे अभिजित अर्जुन वळवी, वय ४३ वर्षे, व्यवसाय – नोकरी , भुकर मापक , उप अधीक्षक भूमिअभिलेख कार्यालय , शहादा तालुका-शहादा जिल्हा- नंदुरबार. यांचेवर गुन्हा दाखल करण्याची प्रक्रिया चालू आहे.
सदरची कारवाई सापळा अधिकारी नेहा तुषार सूर्यवंशी , पोलीस निरीक्षक , लाप्रवि नंदुरबार , सापळा पर्यवेक्षण अधिकारी राकेश चौधरी, पोलीस उप अधीक्षक, लाप्रवि,नंदुरबार, पोनि/नरेंद्र खैरनार, सपोऊपनि / विलास पाटील , पोहवा/ हेमंत महाले , पोहवा/ विजय ठाकरे, पोहवा/ देवराम गावित, पोहवा/ संदीप खंडारे , पोहवा/जितेंद्र महाले , पोहवा/ नरेंद्र पाटील , पोना/सुभाष पावरा , सर्व नेमणूक अँटी करप्शन ब्युरो, नंदुरबार. यांनी केली
