बोरू बहाद्दर कारकून, “ढ” टीम चे कप्तान तोंडावर आपटले– मनसेने शिवसेनेला डिवचल
मुंबई, मंडे टू मंडे न्युज वृत्तसेवा : महाराष्ट्रातील राज्यसभेच्या सहा जागांसाठीचे निकाल झाले. यात सर्वात प्रतिष्ठेच्या मानल्या गेल्या सहाव्या जागेवर शिवसेनेच्या संजय पवार यांचा भाजपच्या धनंजय महाडिक यांनी पराभव करत विजय प्राप्त केला. तर महाविकास आघाडीचे 3 उमेदवार यात विजयी झाले, तर एकट्या भाजपचे 3 उमेदवार विजयी झाले, त्यामुळे विरोधी पक्षनेते देवेंद्र फडणवीस यांची खेळी महाविकास आघाडी सरकारवर भारी पडल्याचे म्हटले जातेय, यावरून आता मनसे सरचिटणीस संदीप देशपांडे यांनी शिवसेनेला डिवचलं आहे.
- मुक्ताईनगर तालुक्यातील नायगाव येथील ग्रुप ग्रामपंचायत प्रभारी महिला सरपंच अवघ्या पाच दिवसात अपात्र …….
- मुक्ताईनगर मध्ये गावठी कट्टा सापडल्याने खळबळ, तरुणाला अटक, स्थानिक गुन्हे शाखेची कारवाई
- शाळेतील जबाबदार कर्मचाऱ्यानेच केला तब्बल १० चिमुकल्या विद्यार्थिनींचा विनयभंग
शिवसेना ही महाविकास आघाडीतील “ढ”टीम आहे, हे पुन्हा एकदा सिद्ध झाल’, बोरू बहाद्दर कारकून आणि “ढ” टीम चे कप्तान तोंडावर आपटले. अशा शब्दात संदीप देशपांडे यांनी शिवसेनेची खिल्ली उडवली आहे. भाजपने महाविकास आघाडी समर्थक 6 अपक्ष आमदारांना फोडले आणि पहिल्या पसंतीची मतं मिळवली. तसेच मनसेने 1 मत आणि बहुजन विकास आघाडीनेही त्यांची 3 मतं भाजपला दिली. त्यामुळे एकूण 10 अतिरिक्तं मतं भाजपला मिळाली. यामुळे संख्याबळामुळे भाजपचे तीनही उमेदवार जिंकून आले.
