प्रवाशांनी भरलेल्या धुळे – बऱ्हाणपूर एसटी बस व ट्रकचा सावदा- रावेर रस्त्यावर भीषण अपघात,१० जखमी, १ गंभीर
रावेर, मंडे टु मंडे न्युज नेटवर्क l रावेर तालुक्यातील रावेर – सावदा रोडवर धुळे ते बऱ्हाणपूर बसचा भीषण अपघात झाला असून या अपघातामध्ये १० ते १२ प्रवासी जखमी झाल्याची माहिती मिळत असून यातील एकाची प्रकृती गंभीर असल्याची माहिती समोर येत आहे. या बसमध्ये एकूण ४९ प्रवासी होते, तर भरधाव ट्रकनं बसला कट मारल्यामुळे हा अपघात घडला असून अपघातात जखमी झालेल्याना स्थानिकांच्या मदतीनं तातडीनं रुग्णालयात दाखल करण्यात आलं आहे.
भरधाव ट्रकनं कट मारल्यामुळे धुळे -बऱ्हाणपूर बसला (बस क्र. MH40Y5197)हा अपघात झाला आहे. रावेर तालुक्यातील विवरा गावाजवळ ही घटना घडली, सुदैवानं या अपघातामध्ये कोणतीही जीवितहानी झालेली नाही. मात्र दहा ते बारा प्रवासी जखमी झाले आहेत. त्यातील एकाची प्रकृती गंभीर असल्याची माहिती समोर येत आहे. दरम्यान घटनेची माहिती मिळताच पोलिसांनी तातडीनं घटनास्थळी धाव घेऊन, बचाव कार्याला सुरुवात केली.
