रावेर तालुक्यातील शेतकऱ्यांची विष प्राशन करून आत्महत्या !
रावेर, मंडे टू मंडे न्यूज वृत्तसेवा : तालुक्यातील पातोंडी गावांतील एका ४० वर्षीय शेतकऱ्याने विषारी द्रव्य प्राशन करून आत्महत्या केल्याची घटना उघडकीस आली असून याप्रकरणी रावेर पोलिस स्थानकात अकस्मात मृत्यूची नोंद करण्यात आली आहे.
रावेर तालुक्यातील ४० वर्षीय किशोर श्रावण पाटील रा.पातोंडी हे सकाळी आपल्या शेतात गेले होते त्यादरम्यान त्यांनी तेथे काहीतरी विषारी द्रव्य प्राशन करून आत्महत्या केल्याची घटना समोर आली आहे. सदरील आत्महत्या आर्थिक विवंचनेतून केली असावी अशी शक्यता असल्याचे बोललेले जात आहे. मयत पाटील यांना एक मुलगा असुन तो कर्णबधीर आहे. याप्रकरणी रावेर पोलिस स्थानकात अकास्मत मृत्यूची नोंद करण्यात आली आहे.
