खळबळजनक : पोटच्या मुलानेच केली बापाची कुऱ्हाडीने हत्या
यावल,मंडे टू मंडे न्युज नेटवर्क। पोटच्या मुलाने वडील लग्न करून देत नसल्याने संतापाच्या भरात लोखंडी कुऱ्हाडीने वार करून बापाची हत्याचा केल्याची धक्कादायक घटना यावल तालुक्यातील पिळोदा या गावी घडली .
या बाबत अधिक माहिती अशी की, यावल तालुक्यातील पिळोदा येथे देवानंद कोळी हा आपल्या आईवडिलांसह राहत असून, ‘माझे लग्न करून द्या’ असा तगादा देवानंद याने वृद्ध वडील रतन कोळी यांचे कडे लावला होता, लग्नही करून देत नाही किंवा लग्नासाठी पैसे ही देत नाही या वरून वडील रतन कोळी यांच्याशी वाद घातला. वडील हे टाळाटाळ करून या कडे दुर्लक्ष करीत असल्याच्या भावनेतून देवचंद कोळी याने वृद्ध वडील रतन तानसिंग कोळी वय-७३ रा.पिळोदा हे नेहमीप्रमाणे रविवारी १४ जानेवारी रोजी घरात झोपलेले असताना रात्री ११ वाजता घरातील लोखंडी कुऱ्हाडीने त्याच्यावर सापासप वार करून त्यांची हत्या केली, पतीचा हत्या केल्याचे पाहून शुबाबाई कोळी यांनी मोठा आक्रोश केल्याने गावात मोठी खळबळ उडाली.
घटनास्थळी पोलीस दाखल झाल्यानंतर शबाबाई कोळी यांनी दिलेल्या फिर्यादीवरून मुलगा संशयित आरोपी देवानंद कोळी याला अटक करण्यात आली असून मृताचे यावल ग्रामीण रूग्णालयात शवविच्छेदन करून मृतदेह नातेवाईकांच्या ताब्यात देण्यात आला. या बाबत
यावल पोलीस स्टेशनला गुन्हा दाखल करण्यात आला असून घटनास्थळाला फैजपुर विभागाच्या डीवायएसपी अन्नपुर्णा सिंह यांच्यासह पोलिस निरिक्षक राकेश मानगावकर यांच्यासह पथकाने भेट दिली.
