सतपंथ चॅरिटेबल ट्रस्ट फैजपुर तर्फे लहान कन्यांचे पूजन व सम्मान
फैजपूर प्रतिनिधी । येथील सतपंथ चॅरिटेबल ट्रस्टतर्फे वढोदा येथील निष्कलंक धाममधील तुलसी भवनमध्ये नवरात्र उत्सव दरम्यान नवमीच्या दिवशी तब्बल ९० लहान कन्यांचा सन्मान करण्यात आला.
सतपंथ चॅरिटेबल ट्रस्टतर्फे वढोदा येथील निष्कलंक धाममधील तुलसी भवन येथे नवरात्र उत्सव दरम्यान नवमीच्या दिवशी तब्बल ९० लहान कन्यांचा सन्मान करण्यात आला. परम पूज्य महामंडलेश्‍वर जनार्दन हरीजी महाराज यांनी बाल कन्यांचे पाय धुऊन- पुसून त्यांना भेटवस्तू ( ऋतू पालकत्वाचे पुस्तक, हात रुमाल, मेहंदी कोन, कानातील टॉप्स, बिंदी, चॉकलेट मोत्याची माळ, गजरा, जेल पेन, शबनम, मास्क, यथाशक्ति दक्षिणा) देऊन पोटभर जेवण घातले. प्रत्यक्ष जगदंबेचे स्वरूप समजून त्यांचे हळद कुंकवाने पूजन केले. जेथे नारीचा सन्मान आदर होतो तेथे देवाची उपस्थिती असते. तेथे लक्ष्मी सरस्वतीचा वास असतो असे परम पूज्य महामंडलेश्‍वर जनार्दन हरीजी महाराज यांनी सांगितले. यावेळी त्या बालिकांच्या चेहऱ्यावरचा आनंद गगनात मावत नव्हता. मागील सतत चार वर्षांपासून हा उपक्रम ट्रस्टतर्फे राबविला जात आहे. महिलांवरील अन्याय अत्याचार सातत्याने वाढ होतांना दिसत आहे. मनुष्य जिवनाला काळीमा फासणारे आहे. अशा घटना घडू नये यासाठी कन्या पूजनाद्वारे मुलींबद्दल बघण्याचा समाजाचा दृष्टिकोन आपण बदलवू शकतो अशा कार्यक्रमाने त्याला आळा घालता येतो व घटना थांबवू शकतो. याप्रसंगी यावेळी सतपंथ चॅरिटेबल ट्रस्टचे पदाधिकारी संजीव महाजन मिलिंद भिरुड, चतुर महाजन, हिरामण भिरुड, विलास चौधरी व भक्तगण उपस्थित होते.
