अनुलोम संस्थेतर्फे गुरुपौर्णिमे निमित्त शिवाजी हायस्कूल खानापूर येथे विद्यार्थ्यांना मार्गदर्शन
खानापुर, ता, रावेर मंडे टू मंडे न्युज नेटवर्क | श्री. शिवाजी हायस्कूल खानापूर येथे आज दिनांक 10 जुलै 2025 वार गुरुवार रोजी शाळेत गुरुपौर्णिमेनिमित्त अनुलोम संस्थेतर्फे गुरुवंदना या उपक्रमाच्या माध्यमातून विद्यार्थ्यांना गुरु शिष्य या विषयावर मार्गदर्शन करण्यात आले तसेच आपल्या आपल्या गुरूंच्या नावे विद्यार्थ्यानी वृक्ष रोपण केली.
सदर कार्यक्रमास प्रमुख पाहुणे म्हणून खानापूर चेक पोस्ट च्या वनरक्षक कल्पना पवार व अनुलोमचे भाग जनसेवक नथ्थू धांडे उपस्थित होते. तसेच गावातील अनुलोम मित्र धनराज महाराज, माधव चौधरी, रघुनाथ भालेराव ही मंडळी उपस्थित होती. सदर कार्यक्रमाप्रसंगी गुरुपौर्णिमे निमित्त विद्यार्थ्यांनी वकृत्व सादर केली तसेच सर्व विद्यार्थ्यांना वनरक्षक सौ. कल्पना पवार यांनी विद्यार्थ्यांना गुरुपौर्णिमेचे महत्त्व पटवून दिले तसेच धनराज महाराज यांनी सुद्धा सर्व गुरूंचा आदर कसा करावा याचे महत्त्व पटवून दिले.
सदर कार्यक्रमाचे प्रास्ताविक शाळेचे मुख्याध्यापक आदरणीय श्री. पी. बी. इंगळे सर यांनी मांडले कार्यक्रमाचे सूत्रसंचालन सौ. रूपाली नेमाडे मॅडम यांनी केले तसेच कार्यक्रमाचे आभार सय्यद वसीम सर यांनी मानले. सदर कार्यक्रमाचे औचित्य साधून उपस्थित सर्व प्रमुख पाहुण्यांच्या हस्ते शाळेत वृक्षारोपण करण्यात आले. याप्रसंगी सर्व सन्माननीय प्रमुख पाहुणे, शाळेचे मुख्याध्यापक, शिक्षक, शिक्षिका व शिक्षकेतर कर्मचारी उपस्थित होते
