भुसावल मध्ये ३३ किलो गांजा जप्त
मंडे टू मंडे वृत्तसंकलन।
भुसावळ,मंडे टू मंडे वृत्तसेवा। भुसावल येथील बाजारपेठ पोलीस स्टेशनच्या पथकाकडून तब्बल ३३ किलो गांजा जप्त केल्याने खळबळ उडाली आहे.
मिळालेली माहिती अशी की,बाजारपेठ पोलीस स्थानकाचे निरिक्षक दिलीप भागवत यांना एका वाहनातून भुसावळच्या बसस्थानक परिसरात गांजा येणार असल्याची गुप्त माहिती मिळाली असता यानुसार काल रात्री डीवायएसपी सोमनाथ वाघचौरे यांच्या मार्गदर्शनाखाली पथक तयार केले. या पथकाने बसस्थानकाच्या परिसरात पहाटे साडेतीनच्या सुमारास एक वाहन अडविले असता त्यात ३३ किलो वजना इतका गांजा आढळून आला.या बाबत बाजारपेठ पोलिसस्टेशनला गुन्हा नोंदवण्याचे काम सुरू आहे.
या आधी एलसीबीच्या पथकाने तब्बल एक कोटी रूपयांचे ब्राऊन शुगर जप्त करून एका महिलेस व प्रमुख सुत्रधाराला अटक केली होती ,यावरून जिल्ह्यात अंमली पदार्थाची मोठ्या प्रमाणावर तस्करी होत असल्याचे उघड झाले आहे,
