डंपरच्या धकडेत १ जण जागीच ठार; २ गंभीर जखमी !
मंडे टू मंडे वृत्तसंकलन।
जळगाव ते भुसावळदरम्यानच्या राष्ट्रीय महामार्गावरील साकेगावनजीक भरधाव डंपरने कारला जोरदार धडक दिल्याने एकाचा जागेवरच मृत्यू झाला तर या अपघातात दोन जण गंभीर जखमी झाले आहेत.
आज दुपारी एमएच १९ सीवाय २२८० या क्रमांकाच्या भरधाव वेगाने येणाऱ्या डंपरने साकेगाव जवळील आयुष प्रोकॉन कंपनीच्या समोर राष्ट्रीय महामार्गावर एमएच १८ डब्ल्यू ५७८२ या क्रमांकाच्या मारूती सुझुकी कारला जोरदार धडक दिल्याने भीषण अपघात झाला. यात एक जण जागीच ठार झाला असून दोन गंभीर जखमी झाले आहेत. दरम्यान, अपघातात जखमी झालेल्या दोन्ही जखमींना स्थानिक ग्रामस्थांनी खाजगी रुग्णालयात दाखल केले असून यासंदर्भात पोलीसांकडून पंचनामा करण्याचे काम सुरू आहे.
