हृदयद्रावक घटना : पाण्याच्या हौदात पडून अवघ्या तीन वर्षीय चिमुकलीचा दुर्दैवी मृत्यू, वाढ दिवसानंतर अवघ्या चार दिवसांत काळाचा घाला
नशिराबाद, मंडे टु मंडे न्यूज. डॉ.दीपक लोखंडे | नशिराबाद येथील भवानीनगर परिसरात रविवारी घडलेल्या दुर्दैवी घटनेत घरातील पाण्याच्या हौदात पडून अवघ्या तीन वर्षीय चिमुकलीचा मृत्यू झाला. कु. आकांक्षा प्रवीण (आबा) इंगळे (वय ३) असे मृत बालिकेचे नाव असून या घटनेमुळे इंगळे कुटुंबावर दुःखाचा डोंगर कोसळला आहे. परिसरातही शोककळा पसरली असून सर्वत्र हळहळ व्यक्त होत आहे.
मिळालेल्या माहितीनुसार, रविवारी दुपारच्या सुमारास आकांक्षा घराच्या अंगणात नेहमीप्रमाणे खेळत होती. त्यावेळी घरातील सदस्य जेवणासाठी बसले होते. खेळण्याच्या नादात तिचा तोल जाऊन ती घरातील पाण्याने भरलेल्या हौदात पडल्याची शक्यता व्यक्त करण्यात येत आहे. काही वेळ ती घरात दिसून न आल्याने कुटुंबीयांनी तिचा शोध सुरू केला. शोधादरम्यान ती पाण्याच्या हौदात आढळून आली. कुटुंबीयांनी तातडीने तिला बाहेर काढून उपचारासाठी जवळील रुग्णालयात दाखल केले. मात्र, वैद्यकीय अधिकाऱ्यांनी तपासणीनंतर तिला मृत घोषित केले. या अनपेक्षित घटनेने इंगळे कुटुंबीयांवर दुःखाचा डोंगर कोसळला असून भवानीनगर परिसरात शोकमय वातावरण निर्माण झाले आहे.
विशेष म्हणजे, आकांक्षाचा तिसरा वाढदिवस अवघ्या चार दिवसांपूर्वी, १ जुलै रोजी, कुटुंबीयांनी मोठ्या उत्साहात साजरा केला होता. वाढदिवसाच्या आनंदाचे वातावरण कायम असतानाच नियतीने घात केल्याने कुटुंबीय, नातेवाईक आणि परिसरातील नागरिकांना मोठा धक्का बसला आहे.
घटनेची माहिती मिळताच बौद्ध पंच मंडळाचे अध्यक्ष विनोद रंधे यांनी घटनास्थळी भेट देऊन शोकाकुल कुटुंबीयांचे सांत्वन केले. तसेच पुढील आवश्यक कार्यवाहीसाठी सहकार्य केले.
दरम्यान, या दुर्दैवी घटनेमुळे लहान मुलांच्या सुरक्षेचा प्रश्न पुन्हा एकदा ऐरणीवर आला आहे. घरातील पाण्याचे हौद, टाक्या, विहिरी तसेच इतर धोकादायक ठिकाणी आवश्यक सुरक्षाव्यवस्था करणे, तसेच लहान मुले खेळत असताना त्यांच्यावर सतत लक्ष ठेवणे गरजेचे असल्याची भावना नागरिकांकडून व्यक्त करण्यात येत आहे.
या हृदयद्रावक घटनेमुळे भवानीनगर परिसरात सर्वत्र शोककळा पसरली असून ग्रामस्थांनी इंगळे कुटुंबीयांप्रती तीव्र शोकसंवेदना व्यक्त केल्या आहेत. नशिराबाद येथील भवानीनगर परिसरात रविवारी घडलेल्या एका दुर्दैवी घटनेने संपूर्ण परिसर शोकमग्न झाला आहे. घराच्या आवारातील पाण्याच्या हौदात पडून अवघ्या तीन वर्षांच्या कु. आकांक्षा प्रवीण (आबा) इंगळे हिचा दुर्दैवी मृत्यू झाला.
मिळालेल्या माहितीनुसार, घरातील सदस्य दुपारच्या जेवणात व्यस्त असताना आकांक्षा नेहमीप्रमाणे अंगणात खेळत होती. याचवेळी खेळण्याच्या नादात तिचा तोल जाऊन ती पाण्याच्या हौदात पडली. काही वेळ ती दिसून न आल्याने कुटुंबीयांनी तिचा शोध सुरू केला. शोधादरम्यान ती हौदात आढळून आली. तिला तातडीने बाहेर काढून उपचारासाठी रुग्णालयात दाखल करण्यात आले. मात्र, वैद्यकीय अधिकाऱ्यांनी तपासणीनंतर तिला मृत घोषित केले.
आकांक्षाचा जन्म १ जुलै २०२३ रोजी झाला होता. काही दिवसांपूर्वीच तिचा तिसरा वाढदिवस कुटुंबीयांनी मोठ्या उत्साहात साजरा केला होता. वाढदिवसाचा आनंद अजून ओसरला नसतानाच या दुर्घटनेने इंगळे कुटुंबावर दुःखाचा डोंगर कोसळला आहे. या हृदयद्रावक घटनेमुळे भवानीनगरसह संपूर्ण नशिराबाद परिसरात हळहळ व्यक्त होत असून सर्वत्र शोककळा पसरली आहे.
बातम्यांच्या अपडेट मिळवण्यासाठी आम्हाला फॉलो करा
