पाडळसे सरपंच चषक २०२५ : ‘किंगमेकर’ ठरले विजेते ; ‘रोनक ११’ उपविजेते
पाडळसे. ता. यावल.मंडे टु मंडे न्युज नेटवर्क | पाडळसे गावात नुकत्याच पार पडलेल्या ‘सरपंच चषक २०२५’ क्रिकेट स्पर्धेचा थरार अत्यंत चुरशीच्या वातावरणात संपन्न झाला. या स्पर्धेत ‘किंगमेकर’ (Kingmaker) संघाने प्रमोद सर तायडे यांच्या नेतृत्वा खाली उत्कृष्ट कामगिरी करत विजेतेपद पटकावले, तर ‘रोनक ११’ (Ronak 11) संघाला उपविजेतेपदावर समाधान मानावे लागले.
ग्रामस्थांमध्ये एकता आणि खेळाची भावना वाढीस लागावी या उद्देशाने या स्पर्धेचे आयोजन करण्यात आले होते. संपूर्ण स्पर्धेत अनेक संघांनी आपला सहभाग नोंदवला, परंतु किंगमेकर आणि रोनक ११ या दोन संघात अंतिम सामना रंगला.
अंतिम सामन्यात किंगमेकर संघाने रोनक ११ संघावर मात करत सरपंच चषकावर आपले नाव कोरले. विजेता ठरलेल्या ‘किंगमेकर’ संघाचे सर्वत्र कौतुक होत आहे. उपविजेते ठरलेल्या ‘रोनक ११’ संघानेही आपल्या दमदार खेळाने उपस्थितांची मने जिंकली.
सरपंच चषकाच्या समारोप समारंभात विजेत्या आणि उपविजेत्या संघांना सरपंच , पोलीस पाटील व इतर मान्यवरांच्या हस्ते आकर्षक चषक आणि बक्षिसे देऊन गौरवण्यात आले. या सरपंच चषक साठी श्री विजय कोळी सर कुंदन कोळी खेमचंद कोळी यांनी पंचांची भूमिका बजावली तसेच योग्य नियोजन करून यशस्वी आयोजनामुळे पाडळसे गावातील क्रीडा संस्कृतीला प्रोत्साहन मिळाले आहे.
