सरदार वल्लभभाई पटेल इंग्लिश मीडियम स्कूल, यावल : गुणवत्तापूर्ण शिक्षणाचा नवा आदर्श
यावल, मंडे टु मंडे न्युज | शिक्षण ही केवळ ज्ञानार्जनाची प्रक्रिया नसून भावी पिढीला सुसंस्कृत, सक्षम आणि जबाबदार नागरिक म्हणून घडविण्याचे प्रभावी माध्यम आहे. या विचारसरणीचा अवलंब करत सरदार वल्लभभाई पटेल इंग्लिश मीडियम स्कूल, यावल ही संस्था गुणवत्तापूर्ण सीबीएसई शिक्षण, आधुनिक अध्यापन पद्धती आणि मूल्याधिष्ठित संस्कार यांच्या बळावर यावल परिसरात एक वेगळी ओळख निर्माण करण्यात यशस्वी ठरली आहे.
शाळेच्या सातत्यपूर्ण शैक्षणिक गुणवत्तेची दखल घेत यावल तालुक्यातील उत्कृष्ट शैक्षणिक कामगिरी करणारी राज्यस्तरीय सर्वोत्कृष्ट सीबीएसई शाळा म्हणून संस्थेला गौरविण्यात आले आहे. हा सन्मान संस्थेच्या शैक्षणिक उत्कृष्टतेची आणि विद्यार्थीकेंद्रित कार्यपद्धतीची राज्यस्तरावर झालेली अधिकृत पोचपावती आहे.
राष्ट्रीय शैक्षणिक धोरण (NEP–2020) अनुषंगाने तयार करण्यात आलेल्या अभ्यासक्रमाची प्रभावी अंमलबजावणी, संकल्पनाधारित अध्यापन, कौशल्यविकास, अनुभवाधारित शिक्षण आणि विद्यार्थ्यांच्या सर्वांगीण विकासावर शाळा विशेष भर देते. अनुभवी शिक्षकवृंद, आधुनिक शैक्षणिक सुविधा आणि विद्यार्थ्यांच्या वैयक्तिक प्रगतीसाठी सातत्याने केले जाणारे मार्गदर्शन ही संस्थेची प्रमुख वैशिष्ट्ये आहेत.
शैक्षणिक गुणवत्तेचा आणखी एक मानाचा टप्पा म्हणजे शिष्यवृत्ती परीक्षेत विद्यार्थ्यांनी प्रथम क्रमांक मिळवत शाळेचा नावलौकिक अधिक उंचावला आहे. तसेच यावर्षीच्या सीबीएसई दहावीच्या बोर्ड परीक्षेत शाळेचा सर्वोच्च निकाल ८९.९० टक्के लागला असून विद्यार्थ्यांनी उल्लेखनीय यश संपादन करून संस्थेची उज्ज्वल परंपरा कायम राखली आहे.
क्रीडा, विज्ञान, सांस्कृतिक, साहित्यिक तसेच विविध सहशालेय उपक्रमांमध्ये विद्यार्थ्यांचा सक्रिय सहभाग घडवून नेतृत्वगुण, आत्मविश्वास, वैज्ञानिक दृष्टिकोन, सामाजिक बांधिलकी आणि नैतिक मूल्यांची जोपासना करण्यासाठी शाळा सातत्याने प्रयत्नशील आहे. शिक्षणाबरोबरच उत्तम व्यक्तिमत्त्व घडविणे हेच संस्थेचे ध्येय आहे.
प्राचार्यांचा संदेश : “प्रत्येक विद्यार्थ्यामध्ये असलेल्या सुप्त क्षमतांना योग्य दिशा देणे, गुणवत्तापूर्ण शिक्षणासोबत उत्तम संस्कार देणे आणि त्यांना जागतिक स्तरावर स्पर्धा करण्यास सक्षम बनविणे हेच आमचे ध्येय आहे. विद्यार्थी, शिक्षक, पालक आणि संस्थेचे व्यवस्थापन यांच्या सामूहिक प्रयत्नांमुळेच आज शाळेला मिळालेले यश शक्य झाले आहे. भविष्यातही उत्कृष्टतेची ही परंपरा अधिक उंचीवर नेण्याचा आमचा दृढ संकल्प आहे.”
उत्कृष्ट शैक्षणिक गुणवत्ता, राज्यस्तरीय गौरव, NEP–2020 आधारित अध्यापन, शिष्यवृत्ती परीक्षेतील उल्लेखनीय यश आणि सीबीएसई बोर्डातील सातत्यपूर्ण उत्कृष्ट निकाल यांच्या बळावर सरदार वल्लभभाई पटेल इंग्लिश मीडियम स्कूल, यावल ही संस्था यावल तालुक्यातील सीबीएसई शिक्षणासाठी पालकांचा विश्वास संपादन करणारी आणि विद्यार्थ्यांच्या उज्ज्वल भविष्याची भक्कम पायाभरणी करणारी अग्रगण्य शैक्षणिक संस्था म्हणून आपले स्थान अधिकाधिक दृढ करत आहे.
बातम्यांच्या अपडेट मिळवण्यासाठी आम्हाला फॉलो करा
