रावेर तालुक्यात ट्रॅक्टर खाली दाबल्याने शेतकऱ्याचा जागीच मृत्यू
रावेर, मंडे टु मंडे न्युज नेटवर्क l शेतातून ट्रॅक्टर च्या ट्रॉलीत तूर भरून आणत असताना ट्रॅक्टर अचानक उलटले. त्यात सुनील भिका कोळी. वय ३९ वर्ष. रा अटवाडे, ता रावेर. हे शेतकरी ट्रॅक्टरच्या धुडाखाली दाबले जाऊन या तरुण शेतकऱ्याचा जागीच मृत्यू झाल्याची घटना रावेर तालुक्यातील अटवाडे या गावाच्या शेत शिवारातील शेतात रविवार रोजी दुपारी दीड ते दोन वाजेच्या सुमारास घडली.
या संदर्भात रावेर पोलिस स्टेशनला किरण सोपान कोळी यांच्या फिर्यादीवरून गुन्हा दाखल करण्यात आला आहे. रावेरचे पोलिस निरीक्षक डॉ विशाल जयस्वाल यांचे मार्गदर्शनाखाली पोहेकॉ नितीन डामरे पुढील तपास करीत आहेत.
