कांग्रेस मध्ये मोठा भूकंप होणार?बैठकाही झाल्या? मंत्र्यांचा खळबळजनक दावा
मुंबई, मंडे टु मंडे न्युज नेटवर्क l राज्यात काँग्रेसला पुन्हा एकदा मोठा भूकंपाचा धक्का बसणर असून काँग्रेसचे बडे नेते आणि राज्यातील विरोधी पक्षनेते विजय वडेट्टीवार हे लवकरच भाजपात प्रवेश करणार आहेत. असा खळबळजनक दावाच राज्याचे मंत्री धर्मराव बाबा अत्राम यांनी केला आहे. अत्राम याच्या या दव्याने राज्याच्या राजकारणात मोठी खळबळ उडाली आहे. या बरोबरच वडेट्टीवार यांनी पक्षप्रवेशासाठी अनेक बैठका केल्याचा दावाही मंत्री धर्मराव अत्राम यांनी केल्याने चर्चांना मोठं मोठ उधाण आलं आहे.
विजय वडेट्टीवार लवकरच भाजपमध्ये येणार आहेत. त्यांनी भाजप नेत्यांसोबत अनेक बैठका केल्या आहेत. या बैठकांचा मी साक्षीदार आहे. या चर्चा झाली मला माहीत आहे, असा गौप्यस्फोट धर्मराव बाबा अत्राम यांनी केला आहे. तसेच मी आदिवासी माणूस, आदिवासी माणूस खोटा बोलणार नाही, विजय वडेट्टीवार हे अशोक चव्हाण याचे राईटहॅंड आहेत. आता चव्हाणच भाजपमध्ये आले आहेत. त्यानंतर नामदेव उसंडी, प्रकाश देवतळे भाजपात आले आहेत. त्यानंतर लवकरंच विरोधीपक्ष नेते विजय वडेट्टीवार भाजपात येणार असल्याची चर्चा झालीय, असा दावाही अत्राम यांनी केलाय.
दरम्यान, विजय वडेट्टीवार यांनी धर्मराव बाबा अत्राम यांच्याकडे पैसे आहे, पण बुद्धी नाही, अशी टीका केली होती. या टीकेनंतर धर्मराव बाबा यांनी थेट गौप्यस्फोट आहे.
‘त्यांची नार्को टेस्ट करा. दूध का दूध अन् पानी का पानी होईल’ – वडेट्टीवार
दरम्यान, काँग्रेसचे नेते व विरोधी पक्षनेते विजय वडेट्टीवार यांनी धर्मराव बाबा अत्राम यांचा दावा खोडून काढत, मी कुठेही जाणार नाही. मी काँग्रेसमध्येच आहे. धर्मरावबाबा खोटं बोलत आहेत. त्यांची नार्को टेस्ट करा. दूध का दूध अन् पानी का पानी होईल, असं विजय वडेट्टीवार यांनी म्हटलं आहे.
