शिक्षणतज्ञ सदस्य राजेश्री तेजस पाटील यांच्या वाढदिवसानिमित्त जिल्हा परिषद शाळेत शालेय साहित्य वाटप…
यावल, मंडे टु मंडे न्युज नेटवर्क | यावल तालुक्यातील शिरसाड (ता.यावल ) येथील जिल्हा परिषद प्राथमिक शाळेतील शिक्षणतज्ञ सदस्य व यावल तालुका शेतकरी खरेदी विक्री संघाचे मा.उपसभापती तथा संचालक तेजस धनंजय पाटील यांच्या सुविद्यपत्नी राजेश्री तेजस पाटील यांच्या वाढदिवसाच्या निमित्ताने शाळेतील विद्यार्थ्यांना पेन्सिल, चॉकलेट व दुपारच्या जेवणात गोड शिरा वाटप करण्यात आला.
यावेळी शाळेतील विद्यार्थ्यांनी राजेश्री पाटील यांना वाढदिवसाच्या शुभेच्छा दिल्यात. राजेश्री पाटील या शाळेच्या मा.मुख्याध्यापिका सौ.संगीता पाटील व शिरसाड वि.का.सोसायटीचे संचालक धनंजय पाटील यांच्या सुनबाई आहे. यावेळी शालेय समिती सदस्य, शाळेतील सर्व शिक्षकवृंद, पोषण आहार बचत गटाच्या सर्व सदस्या, सौ.मनिषा नितीन पाटील व गावातील इतर मंडळी उपस्थित होती.
