फैजपूर मध्ये विवाहितेची आत्महत्या : तिघांविरुद्ध गुन्हा
फैजपूर, मंडे टु मंडे न्युज नेटवर्क | यावल तालुक्यातील फैजपूर शहरात एका १९ वर्षीय विवाहितेने आत्महत्या केल्याची घटना १८ जून बुधवार रोजी उघडकीस आली.या प्रकरणी १९ जून गुरुवार रोजी फैजपूर पोलीस ठाण्यात विवाहितेला माहेरून दोन लाख रुपये आणावे यासाठी छळ करण्यात आला व या छळास कंटाळून तिने आत्महत्या केली म्हणून तिघांविरोधात गुन्हा दाखल करण्यात आला.
अधिक वृत्त असे की, यावल तालुक्यातील फैजपूर शहरात इस्लामपुरा भागातील रहिवासी आरिफाबी जुबेर शेख (वय १९ वर्ष.) या विवाहितेने आपल्या राहत्या घरात ओढणीच्या सहाय्याने गळफास घेऊन आत्महत्या केली होती. ही घटना १८ जून बुधवार रोजी उघडकीस आली होती. याप्रकरणी १९ जून गुरुवार रोजी नसीबा संजय तडवी यांनी दिलेल्या फिर्यादीवरून १९ वर्षीय विवाहिता आरिफाबी शेख हिला माहेरून दोन लाख रुपये आणावे यासाठी शारीरिक आणि मानसिक त्रास दिला जात होता आणि याच जाचाला कंटाळून तिने आत्महत्या केली. विवाहितेला आत्महत्येस प्रवृत्त केल्याप्रकरणी पती शेख जुबेर शेख नदीम, शेख आफताब शेख नदीम व अनिसाबी शेख नदीम या तिघांविरुद्ध फैजपूर पोलिस ठाण्यात गुन्हा दाखल करण्यात आला. तपास सहायक पोलिस निरीरक्षक रामेश्वर मोताळे यांच्या मार्गदर्शनाखाली पोलिस उपनिरीक्षक मैनुद्दीन सय्यद करीत आहे
