महाराष्ट्रात धो धो पाऊस… ; जळगाव सह उत्तर महाराष्ट्रात काय? हवामान विभागाकडून महत्त्वाचं अपडेट
जळगाव, मंडे टु मंडे न्युज | आज २० जुलै. जळगावसह उत्तर महाराष्ट्रात सर्वसाधारण ते अंशतः ढगाळ आकाश आणि हलक्या पावसाची शक्यता आहे, तर राज्यात मान्सून पुन्हा एकदा सक्रिय होत असून मराठवाडा, विदर्भ आणि दक्षिण महाराष्ट्रात विजांच्या कडकडाटासह पावसाचा ‘येलो अलर्ट’ जारी करण्यात आला आहे.
जळगाव व उत्तर महाराष्ट्र अंदाज : –
जळगाव : आज तापमान कमाल ३४-३५ अंश सेल्सिअसच्या आसपास राहील. दुपार किंवा संध्याकाळच्या सुमारास काही ठिकाणी हलक्या सरी किंवा ढगाळ वातावरणाची शक्यता आहे.
उत्तर महाराष्ट्र: जळगावसह नाशिक, धुळे आणि नंदुरबारमध्ये हवामान ढगाळ राहील. काही भागांत हलक्या ते मध्यम स्वरूपाच्या पावसाची शक्यता असली तरी सध्या मुसळधार पावसाचा कोणताही मोठा इशारा देण्यात आलेला नाही.
महाराष्ट्र राज्य अंदाज:मध्य महाराष्ट्र व मराठवाडा: पुणे, अहिल्यानगर आणि घाटमाथ्यावर वादळी वाऱ्यासह मुसळधार पावसाचा ‘येलो अलर्ट’ दिला आहे. कोकण व इतर भाग: कोकण किनारपट्टीवर पावसाचा जोर वाढेल आणि विदर्भातील काही जिल्ह्यांतही चांगल्या पावसाची शक्यता आहे.वाऱ्याचा वेग: जळगाव, छत्रपती संभाजीनगर, जालना, बीड आणि लातूरसह अनेक जिल्ह्यांत वाऱ्याचा ताशी वेग वाढू शकतो.
गेल्या दोन दिवसांपासून राज्यातील अनेक भागांत पावसाने पुनरागमन केले असले, तरी सोमवार २० जुलै रोजी बहुतांश भागात पावसाचा जोर काहीसा कमी राहण्याची शक्यता हवामान विभागाने व्यक्त केली आहे. मात्र, पुणे आणि सातारा घाटमाथा परिसरात मुसळधार पावसाचा इशारा देत यलो अलर्ट जारी करण्यात आला आहे.
२२ जुलैपासून पुन्हा पावसाचा जोर वाढण्याची शक्यता
हवामान विभागाच्या अंदाजानुसार, २० आणि २१ जुलैदरम्यान राज्यात मोठ्या पावसाची शक्यता कमी आहे. मात्र २२ जुलैपासून पुन्हा पावसाची तीव्रता वाढू शकते. त्यामुळे नागरिकांनी आणि शेतकऱ्यांनी हवामानाचा अंदाज लक्षात घेऊन आवश्यक खबरदारी घ्यावी, असे आवाहन करण्यात आले आहे.
